ନ୍ୟୁଜ ଡେକ୍ସ : ୨୦୧୯ରେ କାର୍ତ୍ତିକ ଆର୍ଯ୍ୟନଙ୍କ ଅଭିନୀତ ଲୋକପ୍ରିୟ ଫିଲ୍ମ ‘ପତି ପତ୍ନୀ ଔର ଔ’ ଦର୍ଶକଙ୍କ ମଧ୍ୟରେ ଭଲ ସ୍ୱୀକୃତି ପାଇଥିଲା। ଏବେ ଏହାର ସିକ୍ୱେଲ୍ ‘ପତି ପତ୍ନୀ ଔର ଔ ଦୋ’ ନେଇ ପ୍ରଶଂସକମାନଙ୍କ ମଧ୍ୟରେ ବହୁତ ଉତ୍ସାହ ରହିଛି। ଏଥର ମୁଖ୍ୟ ଭୂମିକାରେ କାର୍ତ୍ତିକ ଆର୍ଯ୍ୟନଙ୍କ ସ୍ଥାନ ନେଇଛନ୍ତି ଆୟୁଷ୍ମାନ ଖୁରାନା, ଯାହା ଦର୍ଶକଙ୍କ ମଧ୍ୟରେ ଆଗ୍ରହକୁ ଆହୁରି ବଢ଼ାଇଦେଇଛି।ମୁଦାସର ଅଜିଜଙ୍କ ନିର୍ଦ୍ଦେଶନାରେ ତିଆରି ହେଉଥିବା ଏହି କମେଡିପୂର୍ଣ୍ଣ ଫିଲ୍ମଟି ପ୍ରଥମେ ମାର୍ଚ୍ଚ ୪ ତାରିଖରେ ରିଲିଜ୍ ହେବାକୁ ଥିଲା।
କିନ୍ତୁ ପୋଷ୍ଟ-ପ୍ରଡକ୍ସନ କାମ ସମ୍ପୂର୍ଣ୍ଣ ନ ହେବା ଏବଂ ଏକ ଗୀତର ସୁଟିଂ ବାକି ରହିଯାଇଥିବାରୁ ନିର୍ମାତାମାନେ ରିଲିଜ୍ ତାରିଖ ପଛକୁ ସରାଇବାକୁ ନିଷ୍ପତ୍ତି ନେଇଥିଲେ। ନିର୍ମାତାମାନେ ଫିଲ୍ମଟିକୁ ଅଧୂରା ଭାବେ ମୁକ୍ତି କରିବା ପେକ୍ଷା ସମସ୍ତ କାମ ସୁଚାରୁ ଭାବେ ସମ୍ପୂର୍ଣ୍ଣ କରି ଦର୍ଶକଙ୍କ ସମ୍ମୁଖରେ ଆଣିବାକୁ ଚାହୁଁଛନ୍ତି। ତେଣୁ ଏବେ ସରକାରିଭାବେ ଘୋଷଣା କରାଯାଇଛି ଯେ ‘ପତି ପତ୍ନୀ ଔର ଔ ଦୋ’ ୧୫ ମେ ୨୦୨୬ରେ ସାରା ଦେଶର ସିନେମା ହଲରେ ମୁକ୍ତିଲାଭ କରିବ।
ଏହି ନୂଆ ତାରିଖ ଘୋଷଣା ହେବା ସହିତ ପ୍ରଶଂସକମାନଙ୍କ ଅପେକ୍ଷା ଆଉ ଦୁଇ ମାସ ବଢ଼ିଗଲା ହେଲେ ମଧ୍ୟ, ଫିଲ୍ମକୁ ସର୍ବୋତ୍ତମ ଭାବେ ଦେଖିବାର ଆଶା ଆହୁରି ବୃଦ୍ଧି ପାଇଛି।ଆୟୁଷ୍ମାନ ଖୁରାନାଙ୍କ ସହିତ ଏହି ଫିଲ୍ମରେ ସାରା ଅଲି ଖାନ, ଭାମିକା ଗବ୍ବି ଏବଂ ରକୁଲ ପ୍ରୀତ ସିଂହ ମୁଖ୍ୟ ଭୂମିକାରେ ନଜର ଆସିବେ। ଭୂଷଣ କୁମାର ଏବଂ ରେଣୁ ରବି ଚୋପ୍ରାଙ୍କ ପ୍ରଯୋଜନାରେ ତିଆରି ହେଉଥିବା ଏହି ମଜାଦାର କମେଡି ଫିଲ୍ମ ଦର୍ଶକଙ୍କୁ ପୁଣିଥରେ ହସାଇବା ସହ ମନୋରଞ୍ଜନ କରିବାକୁ ପୂର୍ଣ୍ଣ ତୟାରିରେ ଅଛି।
