ନ୍ୟୁଜ ଡେକ୍ସ: ବରଗଡ଼ ଜିଲ୍ଲା ବିଜେପୁରର ଆଶିଷ ମେହେରଙ୍କ ଫେସବୁକ୍ ଆକାଉଣ୍ଟରେ ଫେସବୁକ୍ ରିଲ୍ସ ଭିଡ଼ିଓରେ ବନ୍ୟପ୍ରାଣୀ ଆଇନ ଉଲ୍ଲଂଘନର ଅଭିଯୋଗ କରି ଗିରଫ ହେଲେ ୨ ଜଣ ଯୁବକ । ଉକ୍ତ ଭାଇରାଲ୍ ଭିଡ଼ିଓକୁ ନେଇ ରାଜ୍ୟର ଚିଫ୍ ଓ୍ବାଇଲ୍ଡଲାଇଫ୍ ଓ୍ବାର୍ଡେନଙ୍କୁ ଅଭିଯୋଗ କରିଥିଲେ ସ୍ନେକ୍ ହେଲ୍ପ ଲାଇନର ସାଧାରଣ ସମ୍ପାଦକ ଶୁଭେନ୍ଦୁ ମଲ୍ଲିକ ।
କହିରଖୁଛୁ, ବରଗଡ଼ ଜିଲ୍ଲାର ଜଣେ ୟୁଟ୍ୟୁବର ବାହୁଡ଼ା ଦିନ କଇଁଛ ପିଠିରେ ଶ୍ରୀଜଗନ୍ନାଥଙ୍କ ଚିତ୍ର ଆଙ୍କିଥିଲେ। କଇଁଛ ପିଠିରେ ଶ୍ରୀଜଗନ୍ନାଥଙ୍କ ଚିତ୍ର ଆଙ୍କି ରିଲ୍ସ କରିଥିଲେ। ରିଲ୍ସ ଭାଇରଲ୍ ହେବା ପରେ କାର୍ଯ୍ୟାନୁଷ୍ଠାନ ଦାବି ହୋଇଥିଲା।କଇଁଛର ପିଠିରେ ପ୍ରଭୁ ଜଗନ୍ନାଥଙ୍କ ପ୍ରତିଛବି ଚିତ୍ରିତ କରି ଭିଡିଓଟିକୁ ତାଙ୍କ ଫେସବୁକ୍ ଆକାଉଣ୍ଟରେ ରିଲ୍ ଭାବରେ ସେୟାର କରିଥିଲେ। ଏହି କାର୍ଯ୍ୟ ବନ୍ୟପ୍ରାଣୀ କର୍ମୀଙ୍କ ମଧ୍ୟରେ କ୍ରୋଧ ସୃଷ୍ଟି କରିଥିବା ବେଳେ ଏହା ବନ୍ୟପ୍ରାଣୀ ସୁରକ୍ଷା ଆଇନର ଉଲ୍ଲଂଘନ ବୋଲି ଅଭିଯୋଗ ହୋଇଥିଲା।
ଯାହାକୁ ନେଇ ସ୍ନେକ୍ ହେଲ୍ପଲାଇନ୍ର ସାଧାରଣ ସମ୍ପାଦକ ଶୁଭେନ୍ଦୁ ମଲ୍ଲିକ ଓଡ଼ିଶାର ମୁଖ୍ୟ ବନ୍ୟପ୍ରାଣୀ ୱାର୍ଡେନଙ୍କ ନିକଟରେ ଏକ ଆନୁଷ୍ଠାନିକ ଅଭିଯୋଗ ଦାଖଲ କରିଥିଲେ, ଯେଉଁଥିରେ ୟୁଟ୍ୟୁବରଙ୍କ ବିରୁଦ୍ଧରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଅନୁରୋଧ କରାଯାଇଥିଲା। ସେ ଭାଇରାଲ୍ ଭିଡିଓକୁ ତୁରନ୍ତ ହଟାଇବା ଏବଂ ଅଭିଯୁକ୍ତଙ୍କୁ ଚିହ୍ନଟ କରି ଆଇନ ଅନୁଯାୟୀ ଦଣ୍ଡିତ କରିବାକୁ ମଧ୍ୟ ଦାବି କରିଥିଲେ।
ତେବେ ବନ୍ୟପ୍ରାଣୀ ସୁରକ୍ଷା ଆଇନ, ୧୯୭୨ ଅନୁଯାୟୀ, ଭାରତୀୟ ଫ୍ଲାପ୍ସେଲ୍ କଇଁଛ ଭଳି ସୂଚୀ-୧ ପ୍ରଜାତିଗୁଡ଼ିକର ଯେକୌଣସି କ୍ଷତି କିମ୍ବା ଅପବ୍ୟବହାର ଏକ ଗମ୍ଭୀର ଅପରାଧ, ଯାହା ପାଇଁ ସାତ ବର୍ଷ ପର୍ଯ୍ୟନ୍ତ ଜେଲ୍ ଏବଂ ୧ ଲକ୍ଷ ଜରିମାନା କିମ୍ବା ଉଭୟ ଦଣ୍ଡ ବିଧାନ ରହିଛି।
