ନ୍ୟୁଜ ଡେକ୍ସ : କଙ୍ଗୋ ଏବଂ ରୱାଣ୍ଡାର ମଧ୍ୟରେ ଚାଲୁଥିବା ତଣାପୋଡ଼ ଏବେ ଆଉ ତୀବ୍ର ରୂପ ନିଅଛି। ପୂର୍ବ କଙ୍ଗୋର ଦକ୍ଷିଣ କିଭୁ ପ୍ରଦେଶରେ ରୱାଣ୍ଡା-ସମର୍ଥିତ M23 ବିଦ୍ରୋହୀମାନେ ଆକ୍ରମଣ ବୃଦ୍ଧି କରି ଗତ କିଛି ଦିନରେ ୪୦୦ ରୁ ଅଧିକ ସାଧାରଣ ନାଗରିକଙ୍କୁ ହତ୍ୟା କରିଛନ୍ତି ବୋଲି ଆଞ୍ଚଳିକ ଅଧିକାରୀମାନେ ଶୁକ୍ରବାର ସୂଚନା ଦେଇଛନ୍ତି।ଅଧିକାରୀମାନେ ଦାବି କରିଛନ୍ତି ଯେ ରୱାଣ୍ଡାର ସ୍ୱତନ୍ତ୍ର ସେନାବାହିନୀ ମଧ୍ୟ ରଣନୈତିକ ଭାବରେ ଗୁରୁତ୍ୱପୂର୍ଣ୍ଣ ଉଭିରା ସହରରେ ଉପସ୍ଥିତ ଅଛନ୍ତି।
ଏହା ଆଞ୍ଚଳିକ ନିରାପତ୍ତା ପାଇଁ ଗଭୀର ଚିନ୍ତାର ବିଷୟ ହୋଇପାରିଛି। ଅଧିକାରୀମାନେ ଦାବି କରିଛନ୍ତି ଯେ, ରୱାଣ୍ଡାର ସ୍ୱତନ୍ତ୍ର ବାହିନୀ ରଣନୈତିକ ଭାବରେ ଗୁରୁତ୍ୱପୂର୍ଣ୍ଣ ଉଭିରା ସହରରେ ଉପସ୍ଥିତ ଅଛନ୍ତି । ଗତ ସପ୍ତାହରେ ଆମେରିକାର ମଧ୍ୟସ୍ଥତାରେ ୱାଶିଂଟନରେ କଙ୍ଗୋ ଏବଂ ରୱାଣ୍ଡାର ରାଷ୍ଟ୍ରପତିଙ୍କ ଦ୍ୱାରା ସ୍ୱାକ୍ଷରିତ ଶାନ୍ତି ଚୁକ୍ତି ସତ୍ତ୍ୱେ ଏହି ନୂତନ ଆକ୍ରମଣ ହୋଇଛି ।ଗତ ସପ୍ତାହରେ, ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ୱାଶିଂଟନରେ କଙ୍ଗୋ ଏବଂ ରୱାଣ୍ଡା ମଧ୍ୟରେ ଏକ ଚୁକ୍ତିନାମା ମଧ୍ୟସ୍ଥତା କରିଥିଲେ । କିନ୍ତୁ ବର୍ତ୍ତମାନ ଏହା ଭାଙ୍ଗି ଯାଇଛି । କାରଣ ହେଉଛି M23 ସେହି ଚୁକ୍ତିନାମାରେ ଅନ୍ତର୍ଭୁକ୍ତ ନଥିଲା ।
ବିଦ୍ରୋହୀ ଗୋଷ୍ଠୀ କଙ୍ଗୋ ସହିତ ପୃଥକ ଭାବରେ ଆଲୋଚନା କରୁଛି, ଏବଂ ଉଭୟ ପକ୍ଷ ପରସ୍ପରକୁ ଏହି ବର୍ଷ ଆରମ୍ଭରେ ଘୋଷିତ ଯୁଦ୍ଧବିରତି ଭଙ୍ଗ କରିବାର ଅଭିଯୋଗ ଆଣୁଛନ୍ତି । ତଥାପି, ଏହି ଚୁକ୍ତିନାମା ରୁୱାଣ୍ଡାକୁ ସଶସ୍ତ୍ର ଗୋଷ୍ଠୀଗୁଡ଼ିକୁ ସମର୍ଥନ ବନ୍ଦ କରିବାକୁ ଏବଂ ଶତ୍ରୁତା ସମାପ୍ତ କରିବାକୁ ବାଧ୍ୟ କରିଛି । ‘ଉଭିରା ଏବଂ ପ୍ରାଦେଶିକ ରାଜଧାନୀ ବୁକାଭୁ ମଧ୍ୟରେ ଥିବା ଅଞ୍ଚଳରେ ଗୁଳିଚାଳନା, ଗ୍ରେନେଡ୍ ଏବଂ ବୋମା ଦ୍ୱାରା ୪୧୩ରୁ ଅଧିକ ନାଗରିକଙ୍କ ମୃତ୍ୟୁ ହୋଇଛି,’ ଦକ୍ଷିଣ କିଭୁ ସରକାରଙ୍କ ମୁଖପାତ୍ର ବୁଧବାର ବିଳମ୍ବିତ ଏକ ବିବୃତ୍ତିରେ କହିଛନ୍ତି ।
