ନ୍ୟୁଜ ଡେସ୍କ: ସୁବର୍ଣ୍ଣରେଖା ନଦୀକୁ ଗାଧୋଇବାକୁ ଯାଇ କଦଳୀ ଭେଳା ଉପରେ ଖେଳୁଥିଲା ବେଳେ କଦଳୀ ଭେଳା ଓଲଟି ବୁଡ଼ି ଗଲେ ୪ଜଣ ସାଙ୍ଗ। ଜଣେ ମୃତ, ଜଣେ ଗୁରୁତ୍ବର। ଗୁରୁତ୍ବ ର ବାଲିପାଳ ଡାକ୍ତର ଖାନାରେ ଚିକିତ୍ସିତ। ମୃତକ ଜଣକ ହେଲେ ୧୭ ବର୍ଷର ତାପସ କୁମାର ରଣା ।
ଦୁଇ ଜଣ ସୁରକ୍ଷିତ ଭାବେ ଉଦ୍ଧାର। ଏଭଳି ଘଟଣା ଘଟିଛି ବାଲେଶ୍ଵର ଜିଲ୍ଲା ବାଲିଆପାଳ ଥାନା ଅନ୍ତର୍ଗତ ଅସ୍ତି ପଞ୍ଚାୟତର ବଢାପାଳ ଗ୍ରାମରେ। ଆଜି ମଧ୍ୟାହ୍ନ ସମୟରେ ବଢାପାଳ ଗ୍ରାମର ୪ ଜଣ ସାଙ୍ଗ ସୁବର୍ଣ୍ଣରେଖା ନଦୀକୁ ଗାଧୋଇବାକୁ ଯାଇ ଥିଲେ। କୂଳରେ ଥିବା ଏକ କଦଳୀ ଭେଳା ଉପରେ ୪ ଜଣ ସାଙ୍ଗ ଚଢି ଯାଇ ଖେଳୁ ଥିଲା ବେଳେ କଦଳୀ ଭେଳାଟି ଓଲଟି ପଡ଼ିଥିଲା। କଦଳୀ ଭେଳା ଓଲଟି ପଡିବାରୁ ୪ ଜଣ ସାଙ୍ଗ ନଦୀର ଅକାଳ କାତ ପାଣିରେ ବୁଡ଼ି ଯାଇଥିଲେ ।ସ୍ଥାନୀୟ ଲୋକେ ଜାଣି ପାରି ସେମାନଙ୍କୁ ଉଦ୍ଧାର କରି କରିଥିଲେ।
ସେମାନଙ୍କୁ ଉଦ୍ଧାର କରି ବାଲିଆପାଳ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ଆଣିଥିଲେ । ସେମାନଙ୍କ ମଧ୍ୟରୁ ଦୁଇ ଜଣ ସୁରକ୍ଷିତ ଭାବେ ଉଦ୍ଧାର ହୋଇଥିବା ବେଳେ ଜଣେ ଗୁରୁତର ହୋଇ ବାଲିପାଳ ଡାକ୍ତର ଖାନାରେ ଚିକିତ୍ସିତ ହେଉଛନ୍ତି, ଜଣକର ମୃତ୍ୟୁ ଘଟିଛି। ମୃତକ ଜଣକ ହେଲେ ୧୭ ବର୍ଷର ତାପସ କୁମାର ରଣା। ଖବର ପାଇ ବାଲିଆପାଳ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରୀ ରଖିଛି।
