ନ୍ୟୁଜ ଡେକ୍ସ : ‘ତୁ ମେରି ମୈଁ ତେରା ମୈଁ ତେରା ତୁ ମେରି’ ଏବଂ ‘ନାଗଜିଲ୍ଲା’ ଭଳି ଦୁଇଟି ବଡ଼ ସିନେମାରେ ସଫଳ ଭାବେ କାମ କରିବା ପରେ ପ୍ରସିଦ୍ଧ ଚଳଚ୍ଚିତ୍ର ନିର୍ମାତା କରଣ ଜୋହର ଏବଂ ବଲିଉଡ୍ ଅଭିନେତା କାର୍ତ୍ତିକ ଆର୍ୟନ ପୁଣିଥରେ ତୃତୀୟ ପ୍ରୋଜେକ୍ଟ ପାଇଁ ଏକାଠି ହେବାକୁ ସଜାଗ ହୋଇଛନ୍ତି।ସୂତ୍ରରୁ ପ୍ରକାଶ ପାଇଛି ଯେ, କରଣ ଜୋହରଙ୍କ ପ୍ରଡକ୍ସନ ହାଉସ ଧର୍ମା ପ୍ରଡକ୍ସନ ଏବେ କାର୍ତ୍ତିକ ଆର୍ୟନଙ୍କୁ ଏକ “ନୂଆ ପୋଷ୍ଟର ବୟ” ଭାବେ ସ୍ଥାନ ଦେଇଛି।
ବର୍ତ୍ତମାନ ସମୟରେ ବଲିଉଡର ସବୁଠାରୁ ବ୍ୟାଙ୍କେବଲ୍ ହିରୋମାନଙ୍କ ମଧ୍ୟରେ କାର୍ତ୍ତିକ ଆର୍ୟନ ନିଜର ସ୍ଥାନ ଦୃଢ଼ କରି ସାରିଛନ୍ତି। ତାଙ୍କର ଆଗାମୀ ଦୁଇଟି ଫିଲ୍ମ ବକ୍ସ ଅଫିସରେ ଭଲ କଲେକ୍ସନ କରିବ ବୋଲି ନିର୍ମାତାମାନେ ବେଶ ଆଶାବାଦୀ ଅଛନ୍ତି।ଅନ୍ୟପଟେ ‘ନାଗଜିଲ୍ଲା’ ଫିଲ୍ମ ଲଞ୍ଚ ହେବା ପରେ ଏହାର ସିରିଜର ପରବର୍ତ୍ତୀ ଚଳଚ୍ଚିତ୍ରର ପ୍ରି-ପ୍ରଡକ୍ସନ କାମ ଆରମ୍ଭ ହେବ ବୋଲି ଜଣାପଡ଼ିଛି। ଏଥିରେ କାର୍ତ୍ତିକଙ୍କ ଭୂମିକା ପୂର୍ବବତ୍ ଅପରିବର୍ତ୍ତିତ ଓ ଗୁରୁତ୍ୱପୂର୍ଣ୍ଣ ରହିବ। ତେବେ ଅନ୍ୟ କଳାକାର ଏବଂ କ୍ରୁ ସଦସ୍ୟଙ୍କ ମଧ୍ୟରେ କିଛି ପରିବର୍ତ୍ତନ ହେବା ନେଇ ସୂଚନା ମିଳିଛି। ‘ନାଗଜିଲ୍ଲା’ ଫିଲ୍ମରେ କାର୍ତ୍ତିକ ଆର୍ୟନ ପ୍ରେମ୍ୟମେଶ୍ୱର ପ୍ୟାରେ ଚାନ୍ଦ ନାମକ ଏକ ଇଛାଧାରୀ ନାଗର ଭୂମିକାରେ ଦୃଶ୍ୟମାନ ହେବେ। ଏହି ଅଭିନବ କାହାଣୀ ଓ ଫ୍ୟାନ୍ଟାସି ଆଧାରିତ ଚରିତ୍ର କାର୍ତ୍ତିକଙ୍କ କ୍ୟାରିୟରରେ ଏକ ନୂଆ ମାଇଲ୍ସ୍ଟୋନ୍ ବୋଲି ଧରାଯାଉଛି।
ଏଥିସହ କରଣ ଜୋହର ନିକଟରେ ‘ନାଗଜିଲ୍ଲା’ ଫିଲ୍ମର ମୋସନ୍ ପୋଷ୍ଟରର ଏକ ଫୋଟୋ ସେୟାର କରି ସୋସିଆଲ ମିଡିଆରେ ଲେଖିଛନ୍ତି—
“ମଣିଷ ଫଟୋ ମୁଁ ବହୁତ ଦେଖାଇଛି, ବର୍ତ୍ତମାନ ଏକ ସାପକୁ ଦେଖନ୍ତୁ… #NaagZilla – ସାପ ଦୁନିଆର ପ୍ରଥମ ଏପିସୋଡ୍। ପ୍ରେମ୍ୟମେଶ୍ୱର ପ୍ୟାରେ ଚାନ୍ଦ… ୧୪ ଅଗଷ୍ଟ ୨୦୨୬ ରେ ନାଗ ପଞ୍ଚମୀ ଅବସରରେ ଆପଣଙ୍କ ନିକଟସ୍ଥ ସିନେମା ଘରେ।”
ରିପୋର୍ଟ ଅନୁସାରେ, ଏହି ଫିଲ୍ମଟି କରଣ ଜୋହର, ମହାବୀର ଜୈନ, ଆଦର ପୁନାୱାଲା, ଆପୋର୍ଭା ମେହେଟ୍ଟା, ଶ୍ରୀଦୀପ ସିଂ ଲାମ୍ବା ଏବଂ ସୁଜିତ ଜୈନଙ୍କ ଦ୍ୱାରା ଯୁଗ୍ମଭାବେ ପ୍ରଡ୍ୟୁସ୍ କରାଯାଉଛି।ଏବେ କାର୍ତ୍ତିକ ଓ କରଣଙ୍କ ଏହି ନୂଆ ପ୍ରୋଜେକ୍ଟକୁ ନେଇ ବଲିଉଡରେ ଉତ୍ସାହର ଝଡ଼ ପାଳଟିଛି ଏବଂ ଦର୍ଶକମାନେ ୨୦୨୬ ଅଗଷ୍ଟକୁ ଅପେକ୍ଷା କରି ରହିଛନ୍ତି।
