ନ୍ୟୁଜ ଡେକ୍ସ: ଆଜିଠୁ ଖୋଲିଲା ବଦ୍ରିନାଥ ଧାମ। ବଦ୍ରିନାଥ ଧାମର ମୁଖ୍ୟ ଫାଟକ ଭକ୍ତଙ୍କ ପାଇଁ ଖୋଲା ଯାଇଛି। ପୁରା ମନ୍ଦିରକୁ ଫୁଲରେ ସଜାଯାଇଛି। ଆକର୍ଷଣୀୟ ଭାବେ ଫୁଲରେ ମନ୍ଦିରକୁ ସଜା ଯାଇଛି । ସବୁଥର ପରି,ଏଥର ମଧ୍ୟ ମନ୍ଦିରର ଦ୍ୱାର ଖୋଲିବା ପୂର୍ବରୁ, ଭଗବାନ ବିଷ୍ଣୁଙ୍କ ଦର୍ଶନ ପାଇଁ ଭକ୍ତଙ୍କ ଭିଡ଼ ଲାଗି ରହିଥିଲା।
ଏହି ଅବସରରେ ମୁଖ୍ୟମନ୍ତ୍ରୀ ଧାମି କହିଛନ୍ତି ଯେ ଫେବୃଆରୀ ୨୦୨୩ରେ ହୋଇଥିବା ବିପର୍ଯ୍ୟୟ ଯୋଗୁଁ ଜୋଶୀମଠ ଅଞ୍ଚଳର ପ୍ରାୟ ୨୦ ପ୍ରତିଶତ ଅଞ୍ଚଳରେ ଫାଟ ଦେଖାଦେଇଥିଲା। ଏଥିପାଇଁ ଭାରତ ସରକାର ଏବଂ ରାଜ୍ୟ ସରକାରଙ୍କ ଏଜେନ୍ସିଗୁଡ଼ିକ ଏକ ସର୍ଭେ କରିଥିଲେ। ସର୍ଭେ ପରେ, ପୁନଃନିର୍ମାଣ ପାଇଁ ଏକ ରିପୋର୍ଟ ଦିଆଯାଇଥିଲା। ଏହି ସ୍ଥାନ ପାଇଁ ୧୭୦୦ କୋଟି ଟଙ୍କା ମଞ୍ଜୁର କରାଯାଇଛି।
ମୁଁ ଦେବଭୂମି ଉତ୍ତରାଖଣ୍ଡ ଏବଂ ଜ୍ୟୋତିମଠର ସମସ୍ତ ଲୋକଙ୍କ ତରଫରୁ ପ୍ରଧାନମନ୍ତ୍ରୀ ଏବଂ ଗୃହମନ୍ତ୍ରୀଙ୍କୁ ଧନ୍ୟବାଦ ଜଣାଉଛି।ବଦ୍ରିନାଥ ମନ୍ଦିର ଭଗବାନ ବିଷ୍ଣୁଙ୍କୁ ସମର୍ପିତ ଏବଂ ହିନ୍ଦୁ ମାନଙ୍କ ପାଇଁ ପବିତ୍ର ସ୍ଥାନ ମଧ୍ୟରୁ ଗୋଟିଏ ବୋଲି ବିବେଚନା କରାଯାଏ। ଏହି ପବିତ୍ର ସ୍ଥାନଟି ଅଳକାନନ୍ଦା ନଦୀର ବାମ କୂଳରେ ନର ଏବଂ ନାରାୟଣ ପର୍ବତ ମଧ୍ୟରେ ଅବସ୍ଥିତ। ମନ୍ଦିରଟି କେବଳ ମେ ରୁ ନଭେମ୍ବର ପର୍ଯ୍ୟନ୍ତ ତୀର୍ଥଯାତ୍ରୀଙ୍କ ପାଇଁ ଖୋଲା ରହିଥାଏ।
