ନ୍ୟୁଜ ଡେକ୍ସ: ମହିଳାଙ୍କୁ ଝୁଣି ମାରିଲେ ବୁଲା କୁକୁର ଘର ବାହାରେ ଏକ ପାଗଳ କୁକୁର ଏଭଳି କାଣ୍ଡ ଭିଆଇଛି । ଯାହା ଏବେ ଭୋଗରାଇରେ ଅଞ୍ଚଳରେ ଚାଞ୍ଜଲ୍ୟ ଖେଳାଇଛି ।
ବାଲେଶ୍ବର ଜିଲ୍ଲାର ଜୟନାରାୟଣପୁର ପଞ୍ଚାୟତ ନାରାୟଣପୁର ଗାଁରେ ଏଭଳି ଅଘଟଣ ଘଟିଛି । ତେବେ ସୂଚନା ମୁତାବକ, ଆଜି ସକାଳେ ବାସନ୍ତି ଘର ବାହାରେ ବସିଥିବା ବେଳେ ଏକ ପାଗଳ କୁକୁର ଆସି ତାଙ୍କୁ ଆକ୍ରମଣ କରିଥିଲା। ବୃଦ୍ଧାଙ୍କ ଶରୀରର ବିଭିନ୍ନ ସ୍ଥାନରେ ଗଭୀର କ୍ଷତ ସୃଷ୍ଟି ହୋଇଥିଲା। ବୃଦ୍ଧାଙ୍କ ଚିତ୍କାର ଶୁଣି ପରିବାର ଲୋକେ ଦୌଡ଼ି ଆସିଥିଲେ।
ବୃଦ୍ଧାଙ୍କୁ ଉଦ୍ଧାର କରିବା ସହ ପାଗଳ କୁକୁରଟିକୁ ପିଟିପିଟି ମାରି ଦେଇଥିଲେ। କୁକୁରଟି କାମୁଡ଼ିବାର କିଛି ସମୟ ପରେ ବୃଦ୍ଧାଙ୍କର ମୃତ୍ୟୁ ଘଟିଥିଲା।ଅନ୍ୟପକ୍ଷରେ ମୃତକଙ୍କ ପରିବାର ଲୋକଙ୍କୁ ସହାୟତା ଯୋଗାଇଦେବାକୁ ଗ୍ରାମବାସୀ ଦାବି କରିଛନ୍ତି। ବୃଦ୍ଧାଙ୍କ ମୃତ୍ୟୁ ପରେ ପରିବାରରେ ଶୋକର ଛାୟା ଖେଳିଯାଇଛି।
