ନ୍ୟୁଜ ଡେକ୍ସ : ନଭେମ୍ବର ମାସ ଆରମ୍ଭ ସହିତ ସାଧାରଣ ଜନତାଙ୍କ ପାଇଁ ଅନେକ ଗୁରୁତ୍ୱପୂର୍ଣ୍ଣ ପରିବର୍ତ୍ତନ ଲାଗୁ ହୋଇଛି। ସରକାର ଓ ଆର୍ଥିକ ପ୍ରତିଷ୍ଠାନମାନେ ନଭେମ୍ବର ୧ ରୁ LPG ସିଲିଣ୍ଡର, ବ୍ୟାଙ୍କିଂ, ପେନସନ, GST ପଞ୍ଜୀକରଣ ଓ ଆଧାର ଅପଡେଟ୍ ସହିତ ଜଡିତ ନୂଆ ନିୟମ ଚାଲୁ କରିଛନ୍ତି। ଏହି ପରିବର୍ତ୍ତନଗୁଡ଼ିକ କିଛି ସୁବିଧା ଆଣିବା ସହିତ ଅନ୍ୟପକ୍ଷରେ ଜନସାଧାରଣଙ୍କ ପକେଟ ଉପରେ ପ୍ରଭାବ ଫେଳାଇପାରେ।
ଏଲପିଜି ସିଲିଣ୍ଡର ଦର ହ୍ରାସନଭେମ୍ବର ଆରମ୍ଭରେ ସରକାର ବାଣିଜ୍ୟିକ ଏଲପିଜି ସିଲିଣ୍ଡର ଦରରେ ଆଶ୍ୱସ୍ତି ଦେଇଛନ୍ତି। ୧୯ କିଲୋଗ୍ରାମ ବାଣିଜ୍ୟିକ ସିଲିଣ୍ଡରର ମୂଲ୍ୟ ୪.୫୦ ରୁ ୬.୫୦ ଟଙ୍କା ପର୍ଯ୍ୟନ୍ତ କମାଇଯାଇଛି। ଇଣ୍ଡିଆନ୍ ଅଏଲ୍ (IOC) ୱେବସାଇଟ୍ ଅନୁଯାୟୀ, ଦିଲ୍ଲୀରେ ୧୯ କିଲୋଗ୍ରାମ ସିଲିଣ୍ଡର ଏବେ ୧,୫୯୦.୫୦ ଟଙ୍କାରେ ମିଳୁଛି, ଯାହା ପୂର୍ବରୁ ୧,୫୯୫.୫୦ ଟଙ୍କା ଥିଲା। ତଥାପି, ଘରୋଇ ୧୪.୨ କିଲୋଗ୍ରାମ ସିଲିଣ୍ଡର ଦରରେ କୌଣସି ପରିବର୍ତ୍ତନ ହୋଇନାହିଁ। ଜିଏସଟି ପଞ୍ଜୀକରଣ ପ୍ରକ୍ରିୟା ଏବେ ଅଧିକ ସହଜନଭେମ୍ବର ୧ ରୁ ଜିଏସଟି ପଞ୍ଜୀକରଣ ପ୍ରକ୍ରିୟାକୁ ସହଜ କରାଯାଇଛି। ଏକ ନୂତନ ସ୍ୱୟଂଚାଳିତ ବ୍ୟବସ୍ଥା ଅନୁସାରେ, ଯୋଗ୍ୟ ଆବେଦନକାରୀମାନେ ଏବେ ମାତ୍ର ତିନି କାର୍ଯ୍ୟଦିନ ମଧ୍ୟରେ ଜିଏସଟି ପଞ୍ଜୀକରଣ ପାଇପାରିବେ।
ଏହା ସେମାନଙ୍କ ପାଇଁ ପ୍ରଯୁଜ୍ୟ ଯେଉଁମାନଙ୍କୁ ସିଷ୍ଟମ ତଥ୍ୟ ବିଶ୍ଳେଷଣ ମାଧ୍ୟମରେ ଯାଞ୍ଚ କରି ମନୋନୀତ କରିଛି କିମ୍ବା ଯେଉଁମାନଙ୍କର ମାସିକ ଟାକ୍ସ ଦାୟିତ୍ବ ୨.୫ ଲକ୍ଷ ଟଙ୍କାରୁ କମ୍।ଆଧାର ଏବଂ ପେନସନ ଅପଡେଟ୍ ନିୟମରେ ବି ନୂତନତାସରକାର ଆଧାର ଅପଡେଟ୍ ପ୍ରକ୍ରିୟାକୁ ସହଜ କରିବା ସହିତ, ପେନସନରେ ମଧ୍ୟ କିଛି ପ୍ରବନ୍ଧନାତ୍ମକ ପରିବର୍ତ୍ତନ ଆଣିଛନ୍ତି। ପେନସନଭୋଗୀମାନଙ୍କୁ ଏବେ ଡିଜିଲକର୍ ଏବଂ ଆଧାର ସଂଯୋଜିତ ଡିଜିଟାଲ୍ ସେବା ମାଧ୍ୟମରେ ସତ୍ୟାପନ କରିବା ସୁବିଧା ମିଳିଛି।
