ନ୍ୟୁଜ ଡେକ୍ସ: ପହଲଗାମ ଆତଙ୍କବାଦୀ ଆକ୍ରମଣରେ ଆହତଙ୍କୁ ମିଳିବ ମାଗଣା ଚିକିତ୍ସା । ଗୁରୁବାର ଦେଶର ସବୁଠୁ ଧନୀ ତଥା ରିଲାଏନ୍ସର ଗ୍ରୁପ ଅଧ୍ୟକ୍ଷ ମୁକେଶ ଅମ୍ୱାନୀ ଏହି ଘୋଷଣା କରିଛନ୍ତି । ମୁକେଶ ଅମ୍ୱାନୀ କହିଛନ୍ତି ଯେ ସମସ୍ତ ଆହତଙ୍କୁ ମୁମ୍ୱାଇରେ ରିଲାଏନ୍ସ ଫାଉଣ୍ଡେସନର ସର୍ ଏଚଏନ୍ ହସ୍ପିଟାଲରେ ମାଗଣା ଚିକିତ୍ସା ଯୋଗାଯିବ ।
ସେ ଆହତମାନଙ୍କ ଶୀଘ୍ର ଆରୋଗ୍ୟ କାମନା କରିଛନ୍ତି। ଏଥିସହ ସେ କହିଛନ୍ତି ଯେ, ରିଲାଏନ୍ସ ଫାଉଣ୍ଡେସନର ସାର୍ ଏଚ୍.ଏନ୍. ହସ୍ପିଟାଲ ଆହତମାନଙ୍କୁ ମାଗଣାରେ ଚିକିତ୍ସା କରିବ। ମୁକେଶ ଅମ୍ବାନୀ ଆତଙ୍କବାଦକୁ ମାନବତାର ଶତ୍ରୁ ବୋଲି କହିଛନ୍ତି। ସେ କହିଥିଲେ, ‘ଆତଙ୍କବାଦ ମାନବତାର ଶତ୍ରୁ।’ ଏହାକୁ କୌଣସି ପ୍ରକାରେ କିମ୍ବା କାହା ଦ୍ୱାରା ସମର୍ଥନ କରାଯିବା ଉଚିତ୍ ନୁହେଁ।
ଆତଙ୍କବାଦର ବିପଦ ବିରୁଦ୍ଧରେ ନିର୍ଣ୍ଣାୟକ ଲଢ଼େଇରେ ଆମେ ପ୍ରଧାନମନ୍ତ୍ରୀ, ଭାରତ ସରକାର ଏବଂ ସମଗ୍ର ରାଷ୍ଟ୍ର ସହିତ ଛିଡ଼ା ହୋଇଛୁ। ଏହି କଠିନ ସମୟରେ ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ୍ ଦେଶ ସହିତ ଛିଡ଼ା ହୋଇଛି। ଆତଙ୍କବାଦ ବିରୋଧରେ ଲଢ଼େଇରେ କମ୍ପାନୀ ସରକାରଙ୍କୁ ପୂର୍ଣ୍ଣ ସମର୍ଥନ ଦେବ। ଆହତମାନଙ୍କୁ ଉତ୍ତମ ଚିକିତ୍ସା ଯୋଗାଇବା ପାଇଁ ରିଲାଏନ୍ସ ଫାଉଣ୍ଡେସନ ପ୍ରତିବଦ୍ଧ।
