ନ୍ୟୁଜ ଡେକ୍ସ : ସମସ୍ତେ ମାଗଣାରେ ଯାତ୍ରା କରିବାକୁ ଚାହାଁନ୍ତି। ଅନେକ ରାଜ୍ୟ ମହିଳାଙ୍କୁ ବସ୍ରେ ମାଗଣା ଯାତ୍ରା କରିବା ପାଇଁ ଏହି ସୁବିଧା ପ୍ରଦାନ କରିଛନ୍ତି।ନିକଟରେ ଆନ୍ଧ୍ରପ୍ରଦେଶରେ ଆରମ୍ଭ ହୋଇଥିବା ସ୍ତ୍ରୀ ଶକ୍ତି ଯୋଜନା ଅଧୀନରେ, ସୋମବାର ୧୮ ଲକ୍ଷରୁ ଅଧିକ ମହିଳା ବସ୍ରେ ମାଗଣା ଯାତ୍ରାର ସୁବିଧା ପାଇଛନ୍ତି। ଏହା ଏକ ପ୍ରକାର ନୂଆଁ ରେକର୍ଡ।
ମୁଖ୍ୟମନ୍ତ୍ରୀ ଏନ ଚନ୍ଦ୍ରବାବୁ ନାଇଡୁ ୨୦୨୪ ନିର୍ବାଚନ ପୂର୍ବରୁ ମହିଳାମାନଙ୍କ ପାଇଁ ମାଗଣା ବସ୍ ଯାତ୍ରା ଯୋଜନାର ପ୍ରତିଶ୍ରୁତି ଦେଇଥିଲେ । ମୁଖ୍ୟମନ୍ତ୍ରୀ ନାଇଡୁ ତାଙ୍କ ରାଜ୍ୟର ମହିଳାମାନଙ୍କୁ ଏହି ପ୍ରତିଶ୍ରୁତି ପୂରଣ କରିଛନ୍ତି ।ସୋମବାର ବିଳମ୍ବିତ ଏକ ସରକାରୀ ବିଜ୍ଞପ୍ତିରେ କୁହାଯାଇଛି, ‘କେବଳ ସୋମବାର ଦିନ ୧୮ ଲକ୍ଷରୁ ଅଧିକ ମହିଳା ମାଗଣା ବସ୍ ଯାତ୍ରାର ସୁବିଧା ପାଇଛନ୍ତି।
’ ସ୍ୱାଧୀନତା ଦିବସରେ ଯୋଜନା ଆରମ୍ଭ ହେବା ପରଠାରୁ ସୋମବାର ପ୍ରଥମ କାର୍ଯ୍ୟ ଦିବସ ଥିଲା ।ଯୋଜନା ଆରମ୍ଭ ହେବାର ମାତ୍ର ଚାରି ଦିନ ମଧ୍ୟରେ, ରାଜ୍ୟ ସାରା ୪୭ ଲକ୍ଷ ମହିଳା ଉପକୃତ ହୋଇଛନ୍ତି । ମୁଖ୍ୟମନ୍ତ୍ରୀ ନାଇଡୁ କହିଛନ୍ତି ଯେ, ମହିଳା ଯାତ୍ରୀମାନେ ସେମାନଙ୍କର ଖୁସି ବାଣ୍ଟୁଛନ୍ତି । ମୁଖ୍ୟମନ୍ତ୍ରୀ କହିଛନ୍ତି ଯେ, ସେମାନେ ଏହି ଯୋଜନା ମାଧ୍ୟମରେ ପ୍ରତିଦିନ ସଞ୍ଚୟ କରୁଛନ୍ତି ।
