ନ୍ୟୁଜ ଡେକ୍ସ: କୋରାପୁଟ ଜିଲ୍ଲା ଜୟପୁରସଦର ଥାନା ଅନ୍ତର୍ଗତ ଏନ୍ଏଚ୍ ୨୬ ଜବାକନାଡ଼ି ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଗୋଟିଏ ବାଇକରେ ୪ ଜଣ ଯୁବକ ଯାଉଥିବାବେଳେ ମାଡ଼ିଗଲା ମାଲବାହୀ ଟ୍ରକ୍। ଟ୍ରକ୍ ଧକ୍କାରେ ୪ ଜଣଙ୍କର ମୃତ୍ୟୁ ଘଟିଛି। ମୃତମାନଙ୍କର ପରିଚୟ ମିଳିନାହିଁ।
ମୃତକମାନେ ହେଲେ ବୋଇପରିଗୁଡ଼ା ବ୍ଲକ ବିଚଲକଟା କଲୋନୀର ଧୋବା ପରଜା, ଘାସି ପରଜା, ନକିଆ ପରଜା ଓ ବୁଟି ପରଜା। ସୂଚନା ମୁତାବକ,୪ ଜଣ ଯୁବକ କାମ କରିବାକୁ ଜୟପୁର ଆସୁଥିଲେ । ଏହି ସମୟରେ ଜବାକାନାଡି ନିକଟରେ ଦ୍ରୁତ ଗତିରେ ଏକ ଟ୍ରକ୍ ଆସି ସେମାନଙ୍କ ଉପରେ ଚଢି ଯାଇଥିଲା । ଫଳରେ ଘଟଣାସ୍ଥଳରେ ହିଁ ୪ ଜଣ ପ୍ରାଣ ହରାଇଥିଲେ ।
ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ଥିଲା । ସେଠାରେ ପହଞ୍ଚି ୪ ଜଣଙ୍କ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଏହା ସହ ଘଟଣାର ତଦନ୍ତ ଚଳାଇଛି ପୋଲିସ ।
