ନ୍ୟୁଜ ଡେକ୍ସ: ପ୍ଲାଷ୍ଟିକ୍ ସ୍କ୍ରାପ୍ ଗୋଦାମରେ ଭୟାବହ ଅଗ୍ନିକାଣ୍ଡ। ହୁତୁହୁତୁ ହୋଇ ଜଳୁଛି ସ୍କ୍ରାପ୍ ଗୋଦାମ। ନିଆଁରେ ଗୋଦାମରେ ଥିବା ଜନିଷ ପତ୍ର ପୋଡ଼ି ପାଉଁଶ ହୋଇଯାଇଛି। ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିବା ପାଇଁ ଉଦ୍ୟମ ଚଳାଇଛନ୍ତି।
ଏହି ଅଘଟଣରେ କାହାର କିଛି କ୍ଷତି ଘଟି ନାହିଁ। ସୂଚନା ମୁତାବକ, ଶନିବାର ସକାଳୁ ପାଇପ କାରଖାନାର ଅଳିଆ ଗଦାରେ ନିଆଁ ଲାଗି ଧୂଆଁମୟ ହୋଇଥିଲା ପରିବେଶ । ଧୀରେ ଧୀରେ ନିଆଁ କାରଖାନାକୁ ବ୍ୟାପିବାରୁ ଦୀର୍ଘ ସମୟ ପର୍ଯ୍ୟନ୍ତ ନିଆଁ ଲାଗି କାରଖାନାରେ ଅନେକ କ୍ଷତି ହୋଇଥିଲା । କିନ୍ତୁ ସୌଭାଗ୍ୟବଶତଃ ଜନଜୀବନ ହାନି ହୋଇନାହିଁ । ଏହା ଦେଖି ସ୍ଥାନୀୟଲୋକେ ତୁରନ୍ତ ଅଗ୍ନିଶମ ବାହିନୀକୁ ଖବର ଦେଇଥିଲେ ।
ଖବର ପାଇ ଘଟଣା ସ୍ଥଳରେ ଝାରସୁଗୁଡା ଅଗ୍ନିଶମ ବାହିନୀର ଦୁଇଟି ଗାଡି ଏବଂ ବେଦାନ୍ତ କାରଖାନା ଅଗ୍ନିଶମ ବାହିନୀ ଏକ ଟିମ୍ ପହଞ୍ଚି ଥିଲା । ସେଠାରେ ପହଞ୍ଚି ଦୁଇ ଘଣ୍ଟା ପରେ ନିଆଁକୁ ଆୟତ୍ତ କରିବାରେ ସକ୍ଷମ ହୋଇଛି । ତେବେ ପ୍ଲାଷ୍ଟିକ୍ ସ୍କ୍ରାପ୍ ଗୋଦାମରେ କିପରି ନିଆଁ ଲାଗିଲା ତାହା ଜଣାପଡ଼ି ନାହିଁ। ସର୍ଟ ସର୍କିଟରୁ ଏହି ନିଆଁ ଲାଗିଥିବା ସନ୍ଦେହ କରାଯାଉଛି।
