ନ୍ୟୁଜ ଡେକ୍ସ: ବୁଧବାର କର୍ଣ୍ଣାଟକ ହାଇକୋର୍ଟ ଆପ୍-ଆଧାରିତ ରାଇଡ୍-ହେଲିଂ ସେବାଗୁଡ଼ିକୁ ବାଇକ୍ ଟ୍ୟାକ୍ସି ସେବା ବନ୍ଦ କରିବାକୁ ନିର୍ଦ୍ଦେଶ ଦେଇଛନ୍ତି । ତଥାପି, ସେମାନଙ୍କୁ ସେମାନଙ୍କର କାର୍ଯ୍ୟ ସମ୍ପୂର୍ଣ୍ଣ ବନ୍ଦ କରିବା ପାଇଁ ଛଅ ସପ୍ତାହ ସମୟ ଦିଆଯାଇଛି । ପ୍ଲାଟଫର୍ମ ଅଧିକାରୀମାନେ କହିଛନ୍ତି ଯେ ସେମାନେ ନିଷ୍ପତ୍ତି ବିରୁଦ୍ଧରେ ଆବେଦନ କରିବାକୁ ବିଚାର କରୁଛନ୍ତି ।
ସୂଚନାନୁଯାୟୀ, ଇମିଗ୍ରେସନ ଆଣ୍ଡ୍ କଷ୍ଟମ୍ ଇନଫୋର୍ସମେଣ୍ଟରେ ଦ୍ବିଚକିଆ ଯାନର ସେବା ଓ ପଞ୍ଜୀକରଣ ପାଇଁ ଆବେଦନ କରିଥିଲେ । କିନ୍ତୁ ରାପିଡୋ ଏବଂ ଓଲା ଭଳି ଅନ୍ୟାନ୍ୟ ସେବା ସହିତ ଦାୟର ହୋଇଥିବା ଆବେଦନଗୁଡିକୁ ଖାରଜ କରିବା ସହ ଏଭଳି ନିଷ୍ପତ୍ତି ନେଇଛନ୍ତି କର୍ଣ୍ଣାଟକ ହାଇକୋର୍ଟ । ୬ମାସ ମଧ୍ୟରେ ଏହାର ସମସ୍ତ ସେବା ବନ୍ଦ କରିବା ସହିତ ୩ମାସ ମଧ୍ୟରେ ଆବଶ୍ୟକୀୟ ନିର୍ଦ୍ଦେଶାବଳୀ ପ୍ରସ୍ତୁତ କରିବାକୁ ନିର୍ଦ୍ଦେଶ ଦେଇଛନ୍ତି ।ତଥାପି କର୍ଣ୍ଣାଟକ ସରକାର କୋର୍ଟରେ ଯୁକ୍ତି ଦର୍ଶାଇଥିଲେ ଯେ, ବାଇକ୍ ଟ୍ୟାକ୍ସିରେ ସୁରକ୍ଷା ବ୍ୟବସ୍ଥାରେ ଅଭାବ ରହିଛି । ଲାଇସେନ୍ସ ଅଭାବରୁ ଏଭଳି ଆଇନଗତ ସମସ୍ୟାର ସମ୍ମୁଖୀନ ହେଉଛନ୍ତି ଏଗ୍ରିଗେଟରମାନେ ।
ଏପ୍ରିଲ ୧ରେ ନିର୍ଦ୍ଦିଷ୍ଟ ସର୍ତ୍ତାବଳୀ ସହିତ ବାଇକ୍ ଟ୍ୟାକ୍ସି ଚଲାଇବାକୁ ଅନୁମୋଦନ କରାଯାଇଥିଲା । ୨୦୨୪ ମସିହାରେ କେନ୍ଦ୍ର ସରକାର ସ୍ପଷ୍ଟ କରିଥିଲେ ଯେ, ବାଇକ୍ ଟ୍ୟାକ୍ସିଗୁଡିକୁ ସ୍ବୀ କୃତି ଦିଆଯିବ ।ଅପରପକ୍ଷେ, ଏକ ରାଇଡ-ହେଲିଂ କମ୍ପାନୀର ଜଣେ ବରିଷ୍ଠ ଅଧିକାରୀ କହିଛନ୍ତି – ଆମେ ଏହି ଆଦେଶ ବିରୁଦ୍ଧରେ ଆବେଦନ କରିବୁ । କେନ୍ଦ୍ର ସରକାର ପୂର୍ବରୁ ସ୍ପଷ୍ଟ କରିସାରିଛନ୍ତି ଯେ ମୋଟରସାଇକେଲଗୁଡ଼ିକ କଣ୍ଟ୍ରାକ୍ଟ କ୍ୟାରେଜର ପରିଭାଷା ଅଧୀନରେ ଆସେ, ଯାହା ମୋଟର ଯାନ ଆଇନ ଅନୁଯାୟୀ ବୈଧ । ଯଦିଓ କେନ୍ଦ୍ର ସରକାର ବାଇକ୍ ଟ୍ୟାକ୍ସିକୁ ଅନୁମତି ଦିଅନ୍ତି, ପରିବହନ ରାଜ୍ୟ ବିଷୟ, ତେଣୁ ଏହାର ଆଇନଗତ ସ୍ଥିତି ନିଷ୍ପତ୍ତି ନେବାର ଅଧିକାର ରାଜ୍ୟ ସରକାରଙ୍କର ଅଛି ।
