ନ୍ୟୁଜ ଡେକ୍ସ: ଭୟଙ୍କର ଅଗ୍ନିକାଣ୍ଡ। ଘରେ ଲାଗିଲା ନିଆଁ। ଜୀବନ୍ତ ଜଳିଗଲେ ୪ ଯୁବକ। ହରିୟାଣାର ଗୁରୁଗ୍ରାମରେ ଘଟିଛି ଏଭଳି କିଛି ଘଟଣା। ଏଠାକାର ସରସ୍ୱତୀ ଏନ୍କ୍ଲେଭର ଜେ ବ୍ଲକରେ ନିଆଁ ଲାଗି ୪ ଜଣଙ୍କ ମୃତ୍ୟୁ ହୋଇଛି। ସେମାନେ ଶୋଇଥିବା ଅବସ୍ଥାରେ ସେଠାରେ ନିଆଁ ଲାଗି ଯାଇଥିଲା ଓ ଫଳରେ ସେମାନଙ୍କର ଘଟଣାସ୍ଥଳରେ ହିଁ ମୃତ୍ୟୁ ଘଟିଥିବା ସୂଚନା ରହିଛି।
ତେବେ ସୂଚନା ମୁତାବକ, ବିଳମ୍ବିତ ରାତିରେ ସରସ୍ୱତୀ ଏନ୍କ୍ଲେଭର ଜେ ବ୍ଲକରେ ନିଆଁ ଲାଗିବା ପରେ ଆଖିପିଛୁଳାକେ ଏହା ପୂରା ବିଲ୍ଡିଂକୁ ବ୍ୟାପି ଯାଇଥିଲା। ଶର୍ଟ ସର୍କିଟ ଯୋଗୁ ଏହି ଅଗ୍ନିକାଣ୍ଡ ଘଟିଥିବା କୁହାଯାଉଛି। ଫଳରେ ରୁମ୍ରେ ଶୋଇଥିବା ୪ ଜଣ ଯୁବକ ଜୀବନ୍ତ ଜଳି ଯାଇଥିଲେ। ୪ ଜଣ ମୃତକ ବିହାରର ହୋଇଥିବା ସୂଚନା ମିଳିଛି। ଏମାନଙ୍କ ବୟସ ୧୭, ୨୨, ୨୪ ଓ ୨୮ ବୋଲି କୁହାଯାଉଛି।
ଏମାନେ ସମସ୍ତେ ଜେ ବ୍ଲକର ହଓ୍ୱା ମହଲରେ ଭଡ଼ାରେ ଘର ନେଇ ରହୁଥିଲେ। ଜଣେ ମୃତକଙ୍କ ସମ୍ପର୍କୀୟଙ୍କ କହିବା ଅନୁଯାୟୀ ମୁସ୍ତାକ ଏବଂ ଆଲାମ ଗୁରୁଗ୍ରାମର ଏକ ବସ୍ତ୍ର କାରଖାନାରେ ଟେଲର ଭାବରେ କାମ କରୁଥିଲେ। ସେହିପରି ବର୍ଷୀୟ ମୃତକ ଜଣେ ଦଶମ ଶ୍ରେଣୀର ଛାତ୍ର ଥଇବା ବେଳେ ସାହିଲ ନାମକ ଜଣେ ବନ୍ଧୁ ସେମାନଙ୍କୁ ଦେଖା କରିବାକୁ ଆସି ସେଦିନ ସେମାନଙ୍କ ପାଖରେ ରହିଥିଲେ।
