ନ୍ୟୁଜ ଡେକ୍ସ: ସାଲିଆ ସାହିରେ ପୁଣି ଚଢାଉ କରିଛି ଅବକାରୀ ବିଭାଗ। ସୂଚନା ମୁତାବକ, ସାଲିଆସାହି ନୀଳଚକ୍ର ନଗରରେ ଆଜି ଅବକାରୀ ବିଭାଗର ରେଡ୍ ପରେ ପାଖାପାଖି ୫ ହଜାର ଲିଟର ପୋଚ ନଷ୍ଟ କରିବା ସହିତ ଦେଶୀ ମଦ ଜବତ ହୋଇଛି । ଏଥିସହିତ ଏହି ମାମଲାରେ ୬ ଜଣ ଅଭିଯୁକ୍ତଙ୍କୁ ଗିରଫ କରାଯାଇଥିବା ବେଳେ ଜଣେ ଫେରାର ରହିଥିବା ସୂଚନା ଦେଇଛନ୍ତି ଅବକାରୀ ବିଭାଗ ପୋଲିସ୍ । ଏହାସହିତ ଗତକାଲି ମୟୂରଭଞ୍ଜରୁ ଦେଶୀ ମଦ ନେଇ ଆସୁଥିବା ଏକ କାର୍ ଅବକାରୀ ବିଭାଗ ଜବତ କରିବା ପରେ ଏହାର ଲିଙ୍କ୍ ନେଇ ପୁଣି ସାଲିଆ ସାହିରେ ଚଢାଉ ଆରମ୍ଭ କରିଥିଲା ଅବକାରୀ ପୋଲିସ୍ । ଗତକାଲି ରାତିରେ ଚଢାଉ କରାଯାଇ ମୟୂରଞ୍ଜରୁ ଦେଶୀ ମଦ ନେଇ ଆସୁଥିବା ଏକ କାର ଜବତ କରିଛି କମିଶନରେଟ ପୁଲିସ। ଦୁର୍ଗାପୂଜା ସମୟରେ ସହରରେ ସ୍ପେଶାଲ ଡ୍ରାଇଭ୍ ଚାଲିଥିବା ପୁଲିସ ଅଧିକାରୀ କହିଛନ୍ତି।
