ନ୍ୟୁଜ ଡେକ୍ସ: ବାଲେଶ୍ୱର ଜିଲ୍ଲା ଖଇରା ଅବକାରୀ ବିଭାଗ ପକ୍ଷରୁ ବିଳମ୍ବିତ ରାତିରେ ଏକ ହୋଟେଲରେ ଚଢ଼ାଉ କରି ବିପୁଳ ପରିମାଣରେ ମଦ ଜବତ କରିବା ସହିତ ହୋଟେଲ ମାଲିକଙ୍କୁ ଗିରଫ କରିଥିବା ଜଣାଯାଇଛି।
ବାଲେଶ୍ୱର ଜିଲ୍ଲା ଖଇରା ଥାନା ଅଧିନ ଖଇରା ବଜାରରେ ଥିବା ଲକ୍ଷ୍ମୀପ୍ରିୟା ହୋଟେଲରେ ଦୀର୍ଘ ବର୍ଷ ଧରି ବେଆଇନ ଭାବେ ଚୋରା ମଦ ବିକ୍ରି ହୋଇଆସୁଥିଲା।ଉକ୍ତ ହୋଟେଲଟି ଖଇରା ହାଇସ୍କୁଲ ପାଖରେ ହୋଇଥିବାବେଳେ ମଦ୍ୟପ ବ୍ୟକ୍ତିମାନେ ମଦ୍ୟପାନ କରି ବିଭିନ୍ନ ସମୟରେ ଅପ୍ରୀତିକର ପରିସ୍ଥିତି ସୃଷ୍ଟି କରିଥାନ୍ତି।ଯାହାକି ସ୍କୁଲ ପିଲାମାନେ ପାଠ ପଢିବାରେ ଅସୁବିଧାରେ ସମ୍ମୁଖୀନ ହୋଇଥାନ୍ତି।
ଏ ନେଇ ସ୍ଥାନୀୟ ଲୋକେ ଅବକାରୀ ବିଭାଗକୁ ଅଭିଯୋଗ କରିବା ପରେ ଅବକାରୀ ବିଭାଗର ହୋଟେଲ ଉପରେ ଚଢ଼ାଉ କରି ବିପୁଳ ପରିମାଣରେ ମଦ ଜବଦ କରିବା ସହିତ ହୋଟେଲ ମାଲିକଙ୍କୁ ଗିରଫ କରି ଆଜି କୋର୍ଟ ଚାଲାଣ କରିଛନ୍ତି l
