ନ୍ୟୁଜ ଡେକ୍ସ : ୭୯ତମ BAFTA ପୁରସ୍କାର ଫେବୃଆରୀ ୨୨ ତାରିଖରେ ଲଣ୍ଡନର Royal Festival Hall ଠାରେ ଅନୁଷ୍ଠିତ ହୋଇଥିଲା। ବିଶ୍ୱର ବିଭିନ୍ନ ଶ୍ରେଣୀର ଶ୍ରେଷ୍ଠ ଚଳଚ୍ଚିତ୍ରଗୁଡ଼ିକୁ ଏହି ଅବସରରେ ସମ୍ମାନିତ କରାଯାଇଥିଲା।ଫରହାନ ଅଖତରଙ୍କ ପ୍ରଯୋଜନାରେ ତିଆରି ମଣିପୁରୀ ଚଳଚ୍ଚିତ୍ର ‘ବୁଙ୍ଗ’ ସର୍ବୋତ୍ତମ ଶିଶୁ ଏବଂ ପାରିବାରିକ ଚଳଚ୍ଚିତ୍ର ବର୍ଗରେ ଶ୍ରେଷ୍ଠ ଚଳଚ୍ଚିତ୍ର ପୁରସ୍କାର ଜିତିଛି।
ଲକ୍ଷ୍ମୀପ୍ରିୟା ଦେବୀଙ୍କ ନିର୍ଦ୍ଦେଶନାରେ ନିର୍ମିତ ଏହି ଫିଲ୍ମଟି BAFTA ପୁରସ୍କାର ଜିତିଥିବା ପ୍ରଥମ ଭାରତୀୟ ଚଳଚ୍ଚିତ୍ର ଭାବେ ଐତିହାସିକ ସଫଳତା ହାସଲ କରିଛି। ଏହା ଭାରତୀୟ ସିନେମା ପାଇଁ ଗର୍ବର ବିଷୟ ହୋଇପଡ଼ିଛି।‘ବୁଙ୍ଗ’ ଫରାସୀ ଚଳଚ୍ଚିତ୍ର ‘ଆର୍କୋ’, ଆମେରିକୀୟ ବିଜ୍ଞାନ କଳ୍ପନା କମେଡି Lilo & Stitch ଏବଂ Zootopia 2 ସହିତ ମନୋନୀତ ହୋଇଥିଲା। ପ୍ରତିସ୍ପର୍ଦ୍ଧୀ ଚଳଚ୍ଚିତ୍ରଗୁଡ଼ିକୁ ପଛକୁ ପକାଇ ‘ବୁଙ୍ଗ’ ଏହି ସମ୍ମାନ ଅର୍ଜନ କରିଛି। ଫରହାନ ଅଖତରଙ୍କ ପ୍ରଯୋଜନା କମ୍ପାନୀ Excel Entertainment ସହ ଚକବୋର୍ଡ ଏଣ୍ଟରଟେନମେଣ୍ଟ ଓ ସୁଟିଜେବଲ୍ ପିକଚର୍ସ ମିଶି ଏହି ଫିଲ୍ମକୁ ପ୍ରଯୋଜନା କରିଥିଲେ।
ଚଳଚ୍ଚିତ୍ରଟିର ବିଶ୍ୱ ପ୍ରିମିୟର ୨୦୨୪ ମସିହାରେ Toronto International Film Festival ରେ ହୋଇଥିଲା। ଗାଁର ଜଣେ ଛୋଟ ପୁଅଙ୍କ ଜୀବନକୁ ନେଇ ଗଢ଼ାଯାଇଥିବା ଏହି କାହାଣୀ ଦର୍ଶକମାନଙ୍କ ହୃଦୟ ଜିତିଥିଲା।ଏହି ସଫଳତାକୁ ନେଇ ପ୍ରଧାନମନ୍ତ୍ରୀ Narendra Modi ଶୁଭେଚ୍ଛା ଜଣାଇଥିବା ସହ ଭାରତୀୟ ସିନେମା ପାଇଁ ଏହାକୁ ଗୌରବମୟ ମୁହୂର୍ତ୍ତ ବୋଲି କହିଛନ୍ତି।
