ନ୍ୟୁଜ ଡେକ୍ସ : ପୁଣି ଓଡ଼ିଶା ଗସ୍ତରେ ଆସିବେ ପ୍ରଧାନମନ୍ତ୍ରୀ ମୋଦୀ। ଆସନ୍ତା ୨୭ ତାରିଖରେ ଓଡ଼ିଶା ଆସିପାରନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ।ବ୍ରହ୍ମପୁର ଯୁବ ସମାବେଶରେ ସାମିଲ ହୋଇପାରନ୍ତି। ସେବା ପକ୍ଷ କାର୍ଯ୍ୟକ୍ରମରେ ଯୋଗଦେବାର ଯୋଜନା ରହିଛି। କିନ୍ତୁ ଏଯାଏଁ ମୋଦୀ ଓଡ଼ିଶା ଆସିବା ନେଇ ସ୍ପଷ୍ଟ ହୋଇନି।
ସୂଚନା ମୁତାବକ, ପ୍ରଧାନମନ୍ତ୍ରୀ ତାଙ୍କର ଦିନିକିଆ ଗସ୍ତ ସମୟରେ ବ୍ରହ୍ମପୁରରେ ଏକ ସାଧାରଣ ସଭାକୁ ସମ୍ବୋଧିତ କରିବାର ସମ୍ଭାବନା ଅଛି। ପ୍ରସ୍ତାବିତ ଗସ୍ତ ପାଇଁ ବିସ୍ତୃତ କାର୍ଯ୍ୟସୂଚୀ ଚୂଡ଼ାନ୍ତ କରାଯାଉଛି।ମୋଦିଙ୍କ ଓଡ଼ିଶା ଗସ୍ତକୁ ବିଜେପି ପାଇଁ ରାଜନୈତିକ ଦୃଷ୍ଟିରୁ ଗୁରୁତ୍ୱପୂର୍ଣ୍ଣ ଭାବରେ ଦେଖାଯାଉଛି।
କାରଣ ଏହା ଦଳର ପନ୍ଦର ଦିନ ବ୍ୟାପୀ ଦେଶବ୍ୟାପୀ ସେବା ପକ୍ଷ ପ୍ରସାର କାର୍ଯ୍ୟକ୍ରମ ସହିତ ଜଡିତ। ମୋଦିଙ୍କ ପ୍ରସ୍ତାବିତ ଗସ୍ତ ପୂର୍ବରୁ ୧୫ ଦିନ ମଧ୍ୟରେ ଓଡ଼ିଶାର ଦଳୀୟ କର୍ମୀମାନେ ରକ୍ତଦାନ ଶିବିର, ସ୍ୱାସ୍ଥ୍ୟ ପରୀକ୍ଷା, ପରିମଳ ଅଭିଯାନ ଏବଂ ସାମୁଦାୟିକ ସହାୟତା କାର୍ଯ୍ୟକ୍ରମ ପାଇଁ ପ୍ରସ୍ତୁତି କରୁଛନ୍ତି।
