ନ୍ୟୁଜ ଡେକ୍ସ: ଆସନ୍ତା ଶିକ୍ଷା ବର୍ଷରେ ଅନୁଷ୍ଠିତ ହେବ କଲେଜ ଛାତ୍ର ସଂସଦ ନିର୍ବାଚନ । ଏନେଇ ବଡ଼ ଘୋଷଣା କଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ। ‘ଛାତ୍ର ନିର୍ବାଚନ ନେଇ ପ୍ରକ୍ରିୟା ଆରମ୍ଭ ହୋଇଛି। ଛାତ୍ର ସଂସଦ ନିର୍ବାଚନ କେବେ ବନ୍ଦ ହେବ ନାହିଁ। କିଛି ହୀନ ଚକ୍ରାନ୍ତ କରି ୨୦୧୮ରୁ ଛାତ୍ର ନିର୍ବାଚନ ବନ୍ଦ କରିଥିଲେ। ତାହାର କାରଣ ବର୍ତ୍ତମାନ ସୁଦ୍ଧା ଜଣାପଡିନାହିଁ।
ତେବେ କହିରଖୁଛୁ, ଗତ ସରକାର ଛାତ୍ର ସଂସଦ ନିର୍ବାଚନ ବନ୍ଦ ରଖିଥିଲେ । ୨୦୧୮ରୁ ବାତ୍ୟା, କୋଭିଡ୍, କ୍ୟାମ୍ପସ ଉତ୍ତେଜନା ବିଭିନ୍ନ କାରଣ ଦର୍ଶାଇ କଲେଜରେ ଛାତ୍ର ନିର୍ବାଚନ ବନ୍ଦ ରଖିଥିଲେ ପୂର୍ବ ସରକାର । ଯେଉଁ କାରଣରୁ ସେବେଠୁ ବନ୍ଦ ପଡିଛି ନେତୃତ୍ବ ବିକାଶର ଏନ୍ତୁଡିଶାଳ । ଯାହାକୁ ନେଇ ସେତେବେଳେ ବିଭିନ୍ନ ମହଲରୁ ଛାତ୍ରଛାତ୍ରୀଙ୍କ ବିରୋଧ ମଧ୍ୟ ଦେଖିବାକୁ ମିଳିଥିଲା । ଛାତ୍ର ଆନ୍ଦୋଳନ, ରାଜରାସ୍ତାରେ ସରକାର ବିରୋଧୀ ସ୍ବର ଜୋର ତେଜିଥିଲା, ଏମିତିକି ତତ୍କାଳୀନ ଶିକ୍ଷା ମନ୍ତ୍ରୀଙ୍କ ବାସଭବନ ବି ଘେରାଉ କରିଥିଲେ ଛାତ୍ର ନେତା । ହେଲେ କିଛି ବି ସୁଫଳ ମିଳିନଥିଲା । ହେଲେ ନୂଆ ସରକାର ଆସିବା ପରେ ଦୀର୍ଘ ୫ ବର୍ଷ ଧରି ସ୍ଥଗିତ ଥିବା ପୋଲିସ ମହାସଂଘ ନିର୍ବାଚନ ହୋଇଥିଲା । ଯାହାକୁ ନେଇ ଛାତ୍ରଛାତ୍ରୀମାନଙ୍କ ମଧ୍ୟରେ ଉତ୍କଣ୍ଠା ସୃଷ୍ଟି ହୋଇଥିଲା କି ଯେ ସେମାନଙ୍କର ମଧ୍ୟ ନିର୍ବାଚନ ହେବ ।
ହେଲେ ସରକାରଙ୍କ ବିଭିନ୍ନ ମତ ନେଇ ଅସନ୍ତୋଷ ହୋଇଥିଲେ ଛାତ୍ର ନେତା । ଆଉ ବିକ୍ଷୋଭ ମଧ୍ୟ ପ୍ରଦର୍ଶନ କରିଥିଲେ । ଛାତ୍ର ସଂସଦ ନିର୍ବାଚନକୁ ନେଇ ବିଭିନ୍ନ ଦଳ ଓ ସେମାନଙ୍କ ଛାତ୍ର ସଂଗଠନ ପକ୍ଷରୁ ବ୍ୟାପକ ଦାବି, ପ୍ରତିବାଦ ଓ ଆନ୍ଦୋଳନ ହୋଇଥିଲା। ନିକଟରେ ରାଜ୍ୟ ବିଧାନସଭାର ଦ୍ୱିତୀୟ ପର୍ଯ୍ୟାୟ ଅଧିବେଶନ ସମୟରେ ଏନେଇ ବିଧାନସଭା ଘେରାଉ ଉଦ୍ୟମ କରିବା ବେଳେ ପୋଲିସ-ଛାତ୍ର କଂଗ୍ରେସ ମଧ୍ୟରେ ଧସ୍ତାଧସ୍ତି, ଅଣାୟତ ପରିସ୍ଥିତି ସୃଷ୍ଟି କରିଥିଲା।
