ନ୍ୟୁଜ ଡେକ୍ସ: ନରଣପୁରରେ ଟେକାମରାକୁ ନେଇ ହତ୍ୟାକାଣ୍ଡ । ପୁଅ ଆଗରେ ବାପାକୁ ଇଟାରେ ଛେଚି ହତ୍ୟା କଲେ ବସ୍ତିବାସିନ୍ଦା । ମୃତକ କଣ୍ଟ୍ରାକ୍ଟର ତୋଫାନ ସାମଲ ବୋଲି ଜଣା ପଡ଼ିଛି । କଟକ ଜିଲ୍ଲା ବାରଙ୍ଗ ସ୍ଥିତ ନରଣପୁର ଅଞ୍ଚଳରେ ଏଭଳି ଘଟଣା ଘଟିଛି । ଗତକାଲି ସନ୍ଧ୍ୟାରେ କିଛି ଦୁର୍ବୃତ୍ତ ତାଙ୍କ ଘରେ ପହଞ୍ଚି ତୋଫାନଙ୍କୁ ଘୋଷାଡ଼ି ଆଣି ପିଟିଥିଲେ।
ବାପାଙ୍କୁ ନ ପିଟିବା ପାଇଁ ତାଙ୍କ ପୁଅ ଦୁର୍ବୃତ୍ତଙ୍କୁ କାକୁତି ମିନତୀ ହୋଇଥିଲେ, ହେଲେ ଦୁର୍ବୃତ୍ତମାନେ ତାଙ୍କ କଥା ଶୁଣି ନଥିଲେ। ତୋଫାନଙ୍କ ପୁଅକୁ ମଧ୍ୟ ଦୁର୍ବୃତ୍ତମାନେ ଆକ୍ରମଣ କରିଥିଲେ। ପରେ ତୋଫାନଙ୍କୁ ଏକ ପଥରରେ ଛେଚି ହତ୍ୟା କରିଥିଲେ। ପରେ ଦୁର୍ବୃତ୍ତମାନ ଘଟଣାସ୍ଥଳରୁ ଚମ୍ପଟ ମାରିଥିଲେ। ବାପାକୁ ରକ୍ତଜୁଡ଼ୁବୁଡ଼ୁ ଅବସ୍ଥାରେ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଥିଲା ପୁଅ। ସେଠାରେ ବାପାକୁ ମୃତ ଘୋଷଣା କରିଥିଲେ।ତେବେ ଦୁର୍ବୃତ୍ତମାନେ କାହିଁକି ତୋଫାନଙ୍କୁ ହତ୍ୟା କଲେ ତାର କାରଣ ଜଣାପଡ଼ି ନାହିଁ। ପୂର୍ବ ଶତ୍ରୁତା ଥିଲା ନା ଆଉ କିଛି କାରଣ ଥିଲା ତାହା ଜଣାପଡ଼ିନାହିଁ।
ପୁଲିସ ଘଟଣାର ତଦନ୍ତ କରୁଛି। ଏହି ଘଟଣାରେ ପୁଲିସ ଜଣଙ୍କୁ ଗିରଫ କରିଥିବା ଜଣାଯାଇଛି। ତୋଫାନ ବିଲ୍ଡର ସଂସ୍ଥାରେ ଠିକା ଶ୍ରମିକ ଭାବେ କାମ କରୁଥିଲେ। ପୁଅ ସହ ବାରଙ୍ଗ ଅଞ୍ଚଳରେ ରହୁଥିଲେ।ମୃତ ତୋଫାନଙ୍କ ପୁଅ କହିଛନ୍ତି, ବାପା ଭାତ ଖାଇବା ପାଇଁ ବାଢୁଥିଲେ। ଏହି ସମୟରେ କିଛି ଲୋକ ଆସି ବାପାଙ୍କୁ ଘୋଷାଡ଼ି ନେଇ ପିଟିଥିଲେ। ମୁଁ ଅଟକାଇବାକୁ ମୋତେ ମାଡ଼ ମାରିଥିଲେ। ପରେ ପଥର ଆଣି ବାପାମୁଣ୍ଡକୁ ଛେଚି ହତ୍ୟା କରିଥିଲେ।
