ନ୍ୟୁଜ ଡେକ୍ସ : ପିଜୁଳି କେବଳ ଏକ ସାଧାରଣ ଫଳ ନୁହେଁ, ବରଂ ଏକ ସୁପରଫୁଡ୍ ଭାବେ ପରିଚିତ। ଏଥିରେ ଭିଟାମିନ୍ C, ଡାଏଟାରୀ ଫାଇବର ଓ ଆଣ୍ଟିଅକ୍ସିଡାଣ୍ଟ ଭରପୂର ରହିଥାଏ। ସେଥିସହ ପୋଟାସିୟମ୍, ଭିଟାମିନ୍ A ଓ ଅନ୍ୟାନ୍ୟ ଆବଶ୍ୟକ ଖଣିଜ ପଦାର୍ଥ ମଧ୍ୟ ରହିଛି, ଯାହା ହୃଦୟ ସ୍ୱାସ୍ଥ୍ୟ, ଚର୍ମର ଉଜ୍ଜ୍ୱଳତା ଓ ସମଗ୍ର ଶରୀରିକ ସୁସ୍ଥତା ପାଇଁ ଉପକାରୀ।
ଅନେକ ଲୋକ ପାଚନ ଶକ୍ତି ବୃଦ୍ଧି, ରୋଗ ପ୍ରତିରୋଧକ କ୍ଷମତା ସୁଦୃଢ଼ କରିବା ଓ ଚର୍ମକୁ ସୁନ୍ଦର ରଖିବା ପାଇଁ ଦୈନିକ ଖାଦ୍ୟରେ ପିଜୁଳି ସାମିଲ କରନ୍ତି।ଖାଦ୍ୟ ବିଶେଷଜ୍ଞମାନଙ୍କ ମତାନୁସାରେ, ପିଜୁଳି ଏକ ସୁସ୍ଥ ଫଳ ହେଲେ ମଧ୍ୟ ଏହାର ଅତ୍ୟଧିକ ସେବନ କେତେକ ସମସ୍ୟା ସୃଷ୍ଟି କରିପାରେ। ପିଜୁଳିରେ ଫାଇବର ଅଧିକ ଥିବାରୁ ଏହା ପାଚନରେ ସାହାଯ୍ୟ କରେ, କିନ୍ତୁ ଏହାର ମଞ୍ଜି କେତେକ ଲୋକଙ୍କ ପାଇଁ ହଜମ କରିବା କଷ୍ଟକର ହୋଇପାରେ। ଯେଉଁମାନେ ଗ୍ୟାସ୍, ଏସିଡିଟି, ପେଟ ଫୁଲିବା କିମ୍ବା ଇରିଟେବଲ୍ ବାଓଏଲ୍ ସିଣ୍ଡ୍ରୋମ୍ରେ ପୀଡିତ, ସେମାନଙ୍କ ପାଇଁ ଅଧିକ ପରିମାଣରେ ପିଜୁଳି ଖାଇବା ଅନ୍ତନଳୀର ସମସ୍ୟା ବଢ଼ାଇପାରେ।
ଏମିତି ଲୋକମାନେ ପେଟ ଯନ୍ତ୍ରଣା, ଡାଇରିଆ କିମ୍ବା ଭାରିପଣ ଅନୁଭବ କରିପାରନ୍ତି। ସେଥିପାଇଁ ଖରାପ ପାଚନ ଶକ୍ତି ଥିବା ବ୍ୟକ୍ତିମାନେ କମ୍ ପରିମାଣରେ ଏବଂ ପାକା ପିଜୁଳି ସେବନ କରିବାକୁ ପରାମର୍ଶ ଦିଆଯାଏ। ପିଜୁଳିରେ ପ୍ରାକୃତିକ ଚିନି ରହିଥିବାରୁ ମଧୁମେହ ରୋଗୀମାନେ ସାବଧାନ ହେବା ଆବଶ୍ୟକ। ବିଶେଷକରି ଟାଇପ୍ ୨ ଡାଏବେଟିଜ୍ ଥିବା ଲୋକମାନେ ଅଧିକ ପରିମାଣରେ ପିଜୁଳି କିମ୍ବା ଏହାର ରସ ସେବନ କଲେ ରକ୍ତ ଶର୍କରା ବଢ଼ିପାରେ। ଖାଲି ପେଟରେ ପିଜୁଳି ଖାଇଲେ ଗ୍ଲୁକୋଜ୍ ଶୋଷଣ ଦ୍ରୁତ ହୋଇପାରେ, ଯାହା ଶର୍କରା ସ୍ତରକୁ ପ୍ରଭାବିତ କରିଥାଏ। ତେଣୁ ମଧୁମେହ ରୋଗୀମାନେ ଡାକ୍ତରଙ୍କ ପରାମର୍ଶରେ ସୀମିତ ପରିମାଣରେ ଏହା ସେବନ କରିବା ଉଚିତ।
କେତେକ ଲୋକଙ୍କରେ ପିଜୁଳି ଖାଇବା ପରେ ଆଲର୍ଜି ଲକ୍ଷଣ ଯଥା କୁଣ୍ଡାଇ, ଚର୍ମରେ ଫୋଡ଼ା କିମ୍ବା ଏକଜିମା ବଢ଼ିପାରେ। କିଛି ମତାନୁସାରେ, ଏହା ଶରୀରର ଆଭ୍ୟନ୍ତରୀଣ ଉତ୍ତାପକୁ ବଢ଼ାଇପାରେ।ପିଜୁଳିକୁ ଥଣ୍ଡା ପ୍ରକୃତିର ଫଳ ବୋଲି କୁହାଯାଏ। ଯେଉଁମାନେ ଥଣ୍ଡା, କାଶ, ସାଇନସ୍ କିମ୍ବା ଗଳା ଯନ୍ତ୍ରଣାରେ ପୀଡିତ, ସେମାନେ ଅଧିକ ପରିମାଣରେ ପିଜୁଳି ଖାଇଲେ କଫ ସମସ୍ୟା ବଢ଼ିପାରେ। ସେହିପରି ରୋଗୀମାନେ ସୀମିତ ମାତ୍ରାରେ ଏହା ସେବନ କରିବା ଉଚିତ।
