ନ୍ୟୁଜ ଡେକ୍ସ : ରନ୍ଧାଶାଳରେ ଗୁଜୁରାତି ବା ଇଲାଇଚି ଏକ ସାଧାରଣ ମସଲା ଭାବରେ ବ୍ୟବହୃତ ହୁଏ। ଚା’ର ସ୍ୱାଦ ବଢ଼ାଇବା ହୋକ୍ କିମ୍ବା ଖିରିର ମଧୁର ବାସ୍ନା, ଗୁଜୁରାତି ବିନା ସବୁ ଅଧାଅଧିଆ ଲାଗେ। କିନ୍ତୁ ସ୍ୱାଦ ପାଖାପାଖି ଏହି ଛୋଟ ମସଲାଟି ସ୍ୱାସ୍ଥ୍ୟ ପାଇଁ ମଧ୍ୟ ଏକ ବଡ଼ ବରଦାନ ବୋଲି କୁହାଯାଏ।ଅନେକଙ୍କ ମନରେ ପ୍ରଶ୍ନ ଥାଏ—ଗୁଜୁରାତିର ପ୍ରକୃତି ଗରମ ନା ଥଣ୍ଡା? ଏହା ଶରୀର ଉପରେ କେମିତି ପ୍ରଭାବ ପକାଏ?
ଏନେଇ ପୋଷକ ବିଶେଷଜ୍ଞମାନେ କହୁଛନ୍ତି, ଗୁଜୁରାତିର ପ୍ରକୃତି ସାଧାରଣତଃ ଗରମ ହେଲେ ମଧ୍ୟ ଏହା ଶରୀର ପାଇଁ କ୍ଷତିକାରକ ନୁହେଁ। ବରଂ ଏହା ହଜମ ପ୍ରକ୍ରିୟାକୁ ତ୍ୱରାନ୍ୱିତ କରି ପେଟକୁ ଆରାମ ଦେଇଥାଏ। ହଜମ ଶକ୍ତି ବୃଦ୍ଧିଗ୍ୟାସ୍, ଏସିଡିଟି ଓ କୋଷ୍ଠକାଠିନ୍ୟ ଭଳି ସମସ୍ୟାରେ ପୀଡିତ ଲୋକଙ୍କ ପାଇଁ ଗୁଜୁରାତି ଲାଭଦାୟକ। ରାତିରେ ଶୋଇବା ପୂର୍ବରୁ ୨ଟି ଗୁଜୁରାତି ଚୋବାଇ ଉଷୁମ ପାଣି ପିଇଲେ ପେଟ ସମ୍ବନ୍ଧୀୟ ସମସ୍ୟା କମିପାରେ।ଭଲ ନିଦ ପାଇଁ ସହାୟକନିଦ ନ ହେବା କିମ୍ବା ଅନିଦ୍ରାରେ ଭୁଗୁଥିବା ଲୋକଙ୍କ ପାଇଁ ଗୁଜୁରାତି ଉପକାରୀ।
ଏଥିରେ ଥିବା ଆଣ୍ଟି-ଡିପ୍ରେସାଣ୍ଟ ଗୁଣ ମାନସିକ ଚାପ କମାଇ ମନକୁ ଶାନ୍ତ କରେ, ଫଳରେ ଭଲ ନିଦ ହୁଏ।ଓଜନ ନିୟନ୍ତ୍ରଣରେ ସାହାଯ୍ୟପୋଷକ ବିଶେଷଜ୍ଞଙ୍କ ମତରେ, ରାତିରେ ଗୁଜୁରାତି ଖାଇଲେ ମେଟାବୋଲିଜିମ୍ ବୃଦ୍ଧି ପାଏ। ଏହା ଅତିରିକ୍ତ ଚର୍ବି କମାଇ ଓଜନ ନିୟନ୍ତ୍ରଣରେ ସହାୟକ ହୁଏ।ପାଟିର ସ୍ୱାସ୍ଥ୍ୟ ଓ ତାଜା ସ୍ୱାସଗୁଜୁରାତି ଏକ ପ୍ରାକୃତିକ ମାଉଥ୍ ଫ୍ରେଶନର୍। ଏହା ପାଟିର କ୍ଷତିକାରକ ବ୍ୟାକ୍ଟେରିଆକୁ ନଷ୍ଟ କରି ଦୁର୍ଗନ୍ଧ ଦୂର କରେ ଓ ଦାନ୍ତ-ମାଢ଼ିକୁ ସୁସ୍ଥ ରଖେ।
ରକ୍ତଚାପ ନିୟନ୍ତ୍ରଣଗୁଜୁରାତିରେ ଥିବା ପୋଟାସିୟମ ଓ ମ୍ୟାଗ୍ନେସିୟମ ରକ୍ତଚାପକୁ ସନ୍ତୁଳିତ ରଖିବାରେ ସାହାଯ୍ୟ କରେ ଏବଂ ହୃଦରୋଗର ଆଶଙ୍କା କମାଇଥାଏ।କିପରି ଖାଇବେ?ବିଶେଷଜ୍ଞମାନେ କହୁଛନ୍ତି, ରାତିରେ ଖାଇବା ପରେ ଏବଂ ଶୋଇବାର ୩୦ ମିନିଟ୍ ପୂର୍ବରୁ ୨ଟି ଗୁଜୁରାତି ଭଲ ଭାବରେ ଚୋବାଇ ଖାଇ ଏକ ଗ୍ଲାସ୍ ଉଷୁମ ପାଣି ପିଇଲେ ଉତ୍ତମ ଫଳ ମିଳିପାରେ। ନିୟମିତ ଭାବେ ଏପରି କଲେ କିଛି ଦିନ ମଧ୍ୟରେ ଶରୀରରେ ସକାରାତ୍ମକ ପରିବର୍ତ୍ତନ ଅନୁଭବ ହେବ ବୋଲି କୁହାଯାଉଛି।
