ନ୍ୟୁଜ ଡେକ୍ସ: ପରିବାର ଖୁସିରେ ଘରୁ ବାହାରିଥିଲେ । ପରସ୍ପର ସହ କଥା ହୋଇ ଗାଡିରେ ମଜାମସ୍ତି କରୁଥିଲେ । ହେଲେ କିଏ ଜାଣିଥିଲା ଏହା ସେମାନଙ୍କ ଶେଷ ଯାତ୍ରା ହେବ ବୋଲି । ଗ୍ରେଟର ନୋଏଡା ଏକ୍ସପ୍ରେସୱେରେ ଆଜି ଏକ ଭୟଙ୍କର ସଡକ ଦୁର୍ଘଟଣା ଘଟିଛି । ଏଥିରେ ଗୋଟିଏ ପରିବାରର ୫ ଜଣଙ୍କର ମୃତ୍ୟୁ ହୋଇଛି । ସୂଚନା ମୁତାବକ, ଗ୍ରେଟର ନୋଏଡା ନଲେଜ ପାର୍କ ପୁଲିସ ଥାନା ଅଞ୍ଚଳରେ ଏହି ଘଟଣା ଘଟିଛି।
ନୋଏଡା ଏକ୍ସପ୍ରେସ୍ଓ୍ୱେରେ ଏକ ଖରାପ ଟ୍ରକ୍ ଛିଡ଼ା ହୋଇଥିଲା। ଏହି ସମୟରେ ପରିଚୌକ୍ ଯାଉଥିବା ଏକ କାର୍ ଦ୍ରୁତ ଗତିରେ ଆସି ଟ୍ରକ୍ର ପଛରେ ପିଟି ହୋଇଥିଲା। ଏହି ଦୁର୍ଘଟଣାରେ ଗୋଟିଏ ପରିବାରର ୫ ଜଣଙ୍କର ମୃତ୍ୟୁ ଘଟିଛି। ବହୁ ଚେଷ୍ଟା ପରେ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ବାହାର କରି ପୋଷ୍ଟମର୍ଟମ ପାଇଁ ପଠାଇଛି। ମୃତକଙ୍କ ମଧ୍ୟରେ ତିନି ଜଣ ମହିଳା ଓ ଦୁଇ ଜଣ ପୁରୁଷ ଅଛନ୍ତି।
ଗ୍ରେଟର ନୋଏଡା ଅଶୋକ କୁମାର କହିଛନ୍ତି, ଆଜି ସକାଳେ ଏକ ଦ୍ରୁତ ଗତିରେ ଆସୁଥିବା କାର୍ ନଲେଜ ପାର୍କ ଥାନା ଅଞ୍ଚଳର ସେକ୍ଟର ୧୪୬ ନିକଟ ପଛରୁ ଏକ ଖରାପ ପାର୍କିଂ ଟ୍ରକ୍କୁ ଧକ୍କା ଦେଇଥିଲା। ଯେଉଁଥିରେ ଡ୍ରାଇଭରଙ୍କ ଘଟଣାସ୍ଥଳରେ ମୃତ୍ୟୁ ଘଟିଥିବାବେଳେ ଏବଂ ଅନ୍ୟ ଚାରି ଜଣଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ତେବେ ସେଠାରେ ଡାକ୍ତରମାନେ ସେମାନଙ୍କୁ ମଧ୍ୟ ମୃତ ଘୋଷଣା କରିଥିଲେ।
