ନ୍ୟୁଜ ଡେସ୍କ: ବର୍ତ୍ତମାନ ଦୁବାଇର ଆବୁଧାବିରେ ବଲିଉଡ ତାରକାଙ୍କ ଝଲକ ଝଲସି ଉଠୁଛି। ହିନ୍ଦୀ ଚଳଚ୍ଚିତ୍ର ଇଣ୍ଡଷ୍ଟ୍ରିରୁ ଦକ୍ଷିଣ ସିନେମା ପର୍ଯ୍ୟନ୍ତ। ପ୍ରାୟ ସମସ୍ତ ବଡ ତାରକା ସେଠାକୁ ଆସିଛନ୍ତି । ସେଠାରେ ଅନୁଷ୍ଠିତ ହୋଇଛି ଇଣ୍ଟରନ୍ୟାସନାଲ ଇଣ୍ଡିଆନ ଫିଲ୍ମ ଏକାଡେମି IIFA ଆୱାର୍ଡ।
ଏହି ଆୱାର୍ଡରେ ବହୁ ବଡ ତାରକା ପରଫମାନ୍ସ କରିଥିବା ବେଳେ ଅନ୍ୟ ଅନେକ ତାରକା ବର୍ଷ ସାରା ଦେଇଥିବା ପରଫମାନ୍ସ ପାଇଁ ସମ୍ମାନିତ ହୋଇଥିଲେ । ଯବାନ ସିନେମା ପାଇଁ ଶାହରୁଖଙ୍କୁ ଶ୍ରେଷ୍ଠ ଅଭିନେତା ସମ୍ମାନରେ ସମ୍ମାନିତ କରାଯାଇଛି। ସେହିପରି ରାଣୀ ମୁଖାର୍ଜୀ ଶ୍ରେଷ୍ଠ ଅଭିନେତ୍ରୀ ହୋଇଛନ୍ତି। ମିସେସ୍ ଚାଟାର୍ଜୀ ଭର୍ସେସ୍ ନରୱେ ପାଇଁ ରାଣୀ ମୁଖାର୍ଜୀଙ୍କୁ ଚଳିତ ବର୍ଷର IIFA ବେଷ୍ଟ ଆକ୍ଟ୍ରେସ୍ ଆୱାର୍ଡ ମିଳିଛି।
ଅନ୍ୟପଟେ ଆଇପିଏସ ଅଫିସର ମନୋଜ ଶର୍ମାଙ୍କ ବାୟୋପିକ୍ ଉପରେ ଆଧାରିତ ସିନେମା 12th ଫେଲ୍ ନିର୍ଦ୍ଦେଶକ ବିଧୁ ବିନୋଦ ଚୋପ୍ରାଙ୍କୁ ମିଳିଛି ଶ୍ରେଷ୍ଠ ନିର୍ଦ୍ଦେଶକ ସମ୍ମାନ। ଆବୁଧାବିରେ ତିନି ଦିନ ଧରି IIFA 2024 କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ସେପ୍ଟେମ୍ବର 27ରେ ଆରମ୍ଭ ହୋଇ ଥିବାବେଳେ ଆଜି ଉଦଜାପନୀ ସମାରୋହ ରହିଛି।
