ନ୍ୟୁଜ ଡେକ୍ସ : ମହାରାଷ୍ଟ୍ରର ଜାଲନା ଜିଲ୍ଲାରେ ବୁଧବାର ବିଳମ୍ବିତ ସନ୍ଧ୍ୟାରେ ଏକ ଭୟଙ୍କର ସଡ଼କ ଦୁର୍ଘଟଣା ଘଟିଛି। ନାଗପୁର-ମୁମ୍ବାଇ ଏକ୍ସପ୍ରେସୱେରେ ଏକ ଟ୍ରକ୍ ଓ ଏକ ଅଟୋ ମଧ୍ୟରେ ଧକ୍କା ଲାଗି ଆଠ ଜଣ ମହିଳା ଶ୍ରମିକଙ୍କ ଜୀବନ ନଷ୍ଟ ହୋଇଛି। ଜାଲନାର କଦଭାଞ୍ଚି ଅଞ୍ଚଳରେ ଏହି ଦୁର୍ଘଟଣା ଘଟିଥିବା ସୂଚନା ମିଳିଛି।ପ୍ରାରମ୍ଭିକ ତଥ୍ୟ ଅନୁଯାୟୀ, ଘଟଣାସ୍ଥଳରେ ଛଅ ଜଣ ମହିଳାଙ୍କ ମୃତ୍ୟୁ ଘଟିଥିଲା। ପରେ ଅନ୍ୟ ଦୁଇଜଣ ମହିଳାଙ୍କୁ ହସ୍ପିଟାଲକୁ ନେବା ସମୟରେ ସେମାନେ ମୃତ୍ୟୁବରଣ କରିଥିଲେ।
ପୋଲିସ ଅନୁଯାୟୀ, ଟେମ୍ପୋରେ ଡ୍ରାଇଭର ସହିତ ମୋଟ ୧୧ ଜଣ ଥିଲେ। ଗାଡିଟି ଯାଉଥିବା ବେଳେ ପଛରୁ ଏକ ଦ୍ରୁତଗାମୀ ଟ୍ରକ୍ ଧକ୍କା ଦେଇଥିଲା, ଯାହାରେ ଏହି ମରଣାନ୍ତକ ଦୁର୍ଘଟଣା ଘଟିଥିଲା।ଘଟଣା ପରେ ପୋଲିସ ଟ୍ରକ୍ ଡ୍ରାଇଭରଙ୍କୁ ଗିରଫ କରି ଭାରତୀୟ ଦଣ୍ଡ ସଂହିତାର ପ୍ରାସଙ୍ଗିକ ଧାରା ଅନୁଯାୟୀ ମାମଲା ରୁଜୁ କରିଛି।
ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ ଏହି ଦୁର୍ଘଟଣାରେ ଆଠ ଜଣଙ୍କ ମୃତ୍ୟୁ ପ୍ରତି ଗଭୀର ଶୋକ ପ୍ରକାଶ କରିଛନ୍ତି। ସେ ଘଟଣାକୁ ଅତ୍ୟନ୍ତ ଦୁର୍ଭାଗ୍ୟଜନକ ବୋଲି କହି ମୃତକଙ୍କ ପରିବାରକୁ ୫ ଲକ୍ଷ ଟଙ୍କା ଆର୍ଥିକ ସହାୟତା ଘୋଷଣା କରିଛନ୍ତି।
