ନ୍ୟୁଜ ଡେକ୍ସ: ବିଶ୍ବର ଚତୁର୍ଥ ସର୍ବବୃହତ ଅର୍ଥନୈତିକ ଦେଶ ହେଲା ଭାରତ । ଜାପାନକୁ ପଛରେ ପକାଇ ପଞ୍ଚମରୁ ୪ର୍ଥ ସ୍ଥାନକୁ ଉନ୍ନୀତ ହେଲା ଭାରତ । ଏନେଇ ସୂଚନା ଦେଲେ ନିତି ଆୟୋଗ ସିଇଓ । ଆମେରିକା, ଚୀନ ଓ ଜର୍ମାନୀ ପରେ ଭାରତ ୪ର୍ଥ ସ୍ଥାନରେ ରହିଛି । IMFର ତଥ୍ୟ ଅନୁସାରେ ଭାରତ ଏବେ ୪ର୍ଥ ସ୍ଥାନରେ ରହିଛି ।
ନୀତି ଆୟୋଗ ସିଇଓ ବିଭିଆର ସୁବ୍ରମଣ୍ୟମ କହିଛନ୍ତି, “ଭାରତ ବିଶ୍ବର ଚତୁର୍ଥ ବୃହତ୍ତମ ଅର୍ଥନୀତି ହୋଇଛି ଏବଂ ତିନି ବର୍ଷ ମଧ୍ୟରେ ତୃତୀୟ ସ୍ଥାନରେ ପହଞ୍ଚିପାରେ । ଭାରତ ଆନୁଷ୍ଠାନିକ ଭାବରେ ଜାପାନକୁ ପଛରେ ପକାଇ ବିଶ୍ବର ଚତୁର୍ଥ ବୃହତ୍ତମ ଅର୍ଥନୀତି ହୋଇଛି । ଭାରତ ଅର୍ଥନୈତିକ ପଥରେ ଏକ ଐତିହାସିକ ମାଇଲଖୁଣ୍ଟ ହାସଲ କରିଛି ।”ଦଶମ ଗଭଣ୍ଡିଂ କାଉନସିଲ ବୈଠକ ସମୟରେ ନୀତି ଆୟୋଗର ସିଇଓ ବିଭିଆର ସୁବ୍ରହ୍ମଣ୍ୟମ ଏହା କହିଛନ୍ତି। ଆନ୍ତର୍ଜାତୀୟ ମୁଦ୍ରା ପାଣ୍ଠି (IMF) ର ସଦ୍ୟତମ ତଥ୍ୟ ଆଧାରରେ, ଭାରତର ମୋଟ ଘରୋଇ ଉତ୍ପାଦ (GDP) 4 ଟ୍ରିଲିୟନ ଡଲାର ।
ଏହା ବର୍ତ୍ତମାନ କେବଳ ଆମେରିକା, ଚୀନ୍ ଏବଂ ଜର୍ମାନୀ ପଛରେ ଅଛି ।ଗଭଣ୍ଡିଂ କାଉନସିଲ ବୈଠକ ନୂଆଦିଲ୍ଲୀର ଭାରତ ମଣ୍ଡପମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା । ଯେପରି 2047 ମସିହା ସୁଦ୍ଧା, ଭାରତର ସ୍ବାଧୀନତାର 100 ବର୍ଷ ପୂର୍ତ୍ତି ସୁଦ୍ଧା ବିକଶିତ ଭାରତ ହୋଇପାରିବ ସେ ଉପରେ ସବିଶେଷ ଆଲୋଚନା ହୋଇଥିଲା । ଏହି ବୈଠକରେ 3ଟି ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳ ମଧ୍ଯରୁ 31ଟି ଅଂଶଗ୍ରହଣ କରିଥିଲେ, ବିଭିନ୍ନ ରାଜନୈତିକ ବର୍ଗର ନେତାମାନେ କେନ୍ଦ୍ର ସରକାରଙ୍କ ପଦକ୍ଷେପ ନୁହେଁ ବରଂ ଏକ ଜାତୀୟ ଆନ୍ଦୋଳନ ଭାବରେ କ୍ରମାଗତ ଭାବରେ ପ୍ରସ୍ତୁତ ହୋଇଥିବା କଥାକୁ ପ୍ରତିକ୍ରିୟା ଦେଇଥିଲେ ।
