ନ୍ୟୁଜ ଡେକ୍ସ: ବାରିପଦା କୁଚେଇ ଛକରେ ଅଭାବନୀୟ ଘଟଣା ଘଟିଛି। ଶ୍ଵଶୁର ମୃତ୍ୟୁ ଖବର ଦେବାକୁ ଯିବାବେଳେ ଜ୍ବାଇଁର ମୃତ୍ୟୁ ଘଟିଛି। ମୃତକଙ୍କ ଘର ମାରନତାଣ୍ଡି ଅଞ୍ଚଳରେ ବୋଲି ଜଣାପଡିଛି। ବାଇକରେ ଯିବାବେଳେ ଏକ ପିକଅପ୍ ତାଙ୍କୁ ଧକ୍କା ଦେଇଛି।
ଏଭଳି ମର୍ମନ୍ତୁଦ ସଡ଼କ ଦୁର୍ଘଟଣା କୁଳିଅଣା ଥାନା ଅଧୀନ କୁଚେଇ ନିକଟରେ ଆଜି ଦିବା ୧୦ ଘଟିକା ସମୟରେ ଏହି ଦୁର୍ଘଟଣା ଘଟିଛି। ଦୁର୍ଘଟଣା ପରେ ସ୍ଥାନୀୟ ଲୋକ ମୟୁରଭଞ୍ଜ ବାରିପଦା ଦେଇ ଯାଇଥିବା ୧୮ ନଂ ଜାତୀୟ ରାଜପଥ କୁଚେଇ ଛକରେ ରାସ୍ତା ଅବରୋଧ କରିଛନ୍ତି। ବାଇକ୍ ଆରୋହୀଙ୍କୁ ଧକ୍କା ଦେଇ ପିକଅପ ଘଟଣାସ୍ଥଳରୁ ଫେରାର ହୋଇଯାଇଛି।
ରାସ୍ତା ଉପରେ ବାଇକ୍ ଆରୋହୀଙ୍କ ମୃତଦେହ ପଡିରହିଛି। ଏହାଫଳରେ ଗାଡ଼ି ଚଳାଚଳ ବନ୍ଦ ରହିଛି। ମୃତ ଯୁବକ ଚାନ୍ଦୁଆ ଥାନା ନଧବଣି ଗ୍ରାମର ସଂଜୟ ନାଏକ (୩୮) ବୋଲି ଜଣାପଡ଼ିଛି। ମାତ୍ର ଚାରି ଦିନ ତଳେ ଶଶୁରଙ୍କ ମୃତ୍ୟୁ ହେଇଥିଲା।
