ତାରିଖ : ୨୦/୦୯/୨୦୨୪ସ୍ଥାନ : ଵିଷମ କଟକ ରାୟଗଡା ଜିଲ୍ଲା ବିଷମ କଟକ ମିନି ଷ୍ଟାଡିଅମ ଠାରେ ଶିକ୍ଷା ବିଭାଗର ଆନୁକୁଲ୍ୟରେ ବ୍ଲକ ସ୍ତରୀୟ କ୍ରୀଡ଼ା ପ୍ରତିଯୋଗିତା ସ୍ଥାନୀୟ ବିଧାୟକ ଶ୍ରୀ ନୀଳମାଧବ ହିକକାଙ୍କ ଦ୍ଵାରା ଉଦଘାଟିତ ହୋଇଯାଇଛି। ଉକ୍ତ ପ୍ରତିଯୋଗିତା ଦୁଇ ଦିନ ଧରି ଆୟୋଜିତ ହେବାକୁ ଥିବା ବେଳେ ବିଷମ କଟକ ଶିକ୍ଷା ବିଭାଗର ବିଭିନ୍ନ ବିଦ୍ୟାଳୟରୁ ଚୟନ ହୋଇଥିବା ଅନେକ ଛାତ୍ର ଛାତ୍ରୀ ଏଥିରେ ଅଂଶ ଗ୍ରହଣ କରି ନିଜ ଭିତରେ ଥିବା କ୍ରୀଡ଼ାକୁ ପ୍ରଦର୍ଶିତ କରିଥଲେ। ଉକ୍ତ ପ୍ରତଯୋଗିତାରେ ଭଲ ପ୍ରଦର୍ଶନ କରିଥିବା ଛାତ୍ର ଛାତ୍ରୀ ମାନଙ୍କୁ ପୁରସ୍କୃତ କରାଯିବ ସହିତ ଜିଲ୍ଲା ସ୍ତରୀୟ ପ୍ରତିଯୋଗିତାରେ ଅଂଶଗ୍ରହଣ କରିପାରିବେ ବୋଲି ପ୍ରକାଶ ପାଇଛି। ଆଜିର ଏହି କାର୍ଯ କ୍ରମରେ ମୁଖ୍ୟ ଅତିଥି ଭାବେ ସ୍ଥାନୀୟ ବିଧାୟକ ଶ୍ରୀ ନୀଳମାଧବ ହିକକା, ସମ୍ମାନୀତ ଅତିଥି ଭାବେ ସାଂସଦ ପ୍ରତିନିଧି ଶ୍ରୀ ଦିଲ୍ଲୀପ ପଟ୍ଟନାୟକ, ବ୍ଲକ ଶିକ୍ଷ୍ୟା ଅଧିକାରୀ ଶ୍ରୀ ନବୀନ ଚନ୍ଦ୍ର ଖୁରା, ସମାଜ ସେବୀ ଶ୍ରୀ ନୀଳମାଧବ ପାଢ଼ୀ ଯୋଗଦେଇଥିଲେ। ଏହା ବାଦ ବ୍ଲକର ବିଭିନ୍ନ ବିଦ୍ୟାଳୟର କ୍ରୀଡ଼ା ଶିକ୍ଷକ, ଅତିରିକ୍ତ ବ୍ଲକ ଶିକ୍ଷ୍ୟା ଅଧିକାରୀ ଅଭୟ କୁମାର ବେହେରା ଯୋଗ ଦେଇ କାର୍ଯ କ୍ରମକୁ ପରିଚାଳନା କରିଥିଲେ ଶେଷରେ ବିଷମକଟକ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀ ହେମନ୍ତ କୁମାର ଦୀପ ଧନ୍ୟବାଦ୍ ଦେଇ କାର୍ଯ୍ୟକ୍ରମକୁ ସାଙ୍ଗ କରିଥିଲେ। ଵିଷମ କଟକ ରୁ କିଶୋର ମହାନନ୍ଦିଆ
