ନ୍ୟୁଜ ଡେକ୍ସ: ଶୁକ୍ରବାର ଅପରାହ୍ନରେ ଜମ୍ମୁ ଓ କାଶ୍ମୀର ପୋଲିସ କେନ୍ଦ୍ରୀୟ କାଶ୍ମୀରର ବଡଗାମ ଜିଲ୍ଲାରେ ନିଷିଦ୍ଧ ଆତଙ୍କବାଦୀ ସଂଗଠନ ଲସ୍କର-ଇ-ତୋଇବା (ଏଲଇଟି) ସହିତ ଜଡିତ ତିନି ଜଣ ଆତଙ୍କବାଦୀ ସହଯୋଗୀଙ୍କୁ ଗିରଫ କରିଥିବା ଦାବି କରିଛି। ଆତଙ୍କୀ ନେଟୱାର୍କକୁ ଭାଙ୍ଗିବା ପାଇଁ ଚାଲିଥିବା ପ୍ରୟାସ ମଧ୍ୟରେ ସୁରକ୍ଷା ଅଭିଯାନ ସମୟରେ ମାଗାମର କାୱୁସା ନରବଲ ଅଞ୍ଚଳରେ ଏହି ଗିରଫଦାରୀ କରାଯାଇଛି।
ବେଆଇନ କାର୍ଯ୍ୟକଳାପ (ନିବାରଣ) ଆଇନ (UAPA) ର ପ୍ରାସଙ୍ଗିକ ଧାରା ଅନୁଯାୟୀ ପୋଲିସ ଷ୍ଟେସନ ମାଗାମରେ ଏକ ମାମଲା ରୁଜୁ କରାଯାଇଛି ଏବଂ ଅଧିକ ତଦନ୍ତ ଆରମ୍ଭ କରାଯାଇଛି। ଗିରଫ ବ୍ୟକ୍ତିମାନେ ମୁଜାମ୍ମିଲ ଅହମ୍ମଦ, ଇଶଫାକ ପଣ୍ଡିତ (ଉଭୟ ଅଗଲାର ପଟ୍ଟନର ବାସିନ୍ଦା) ଏବଂ ମିରିପୋରା ବିରୱାହ ବାସିନ୍ଦା ମୁନିର ଅହମ୍ମଦ ବୋଲି ଚିହ୍ନଟ ହୋଇଛନ୍ତି।
ସେମାନଙ୍କଠାରୁ ଗୋଟିଏ ପିସ୍ତଲ, ଗୋଟିଏ ହାତ ଗ୍ରେନେଡ ଏବଂ ଗୋଳାବାରୁଦ ଜବତ କରିଛି। ସୁରକ୍ଷା ବାହିନୀ କାଶ୍ମୀର ଘାଟିରେ ଲୁଚି ରହିଥିବା ଆତଙ୍କବାଦୀଙ୍କୁ ନିପାତ କରୁଛନ୍ତି। ଗତ ତିନି ଦିନ ମଧ୍ୟରେ କାଶ୍ମୀରରେ ଦୁଇଟି ପୃଥକ ଏନକାଉଣ୍ଟରରେ ସୁରକ୍ଷା ବାହିନୀ ଛଅ ଜଣ ଆତଙ୍କବାଦୀଙ୍କୁ ସଫା କରିଛନ୍ତି ।
