ନ୍ୟୁଜ ଡେକ୍ସ : ଆରମ୍ଭ ହେଲା ବିଧାନସଭା ମୌସୁମୀ ଅଧିବେଶନର ଦ୍ବିତୀୟ ଦିନର ଗୃହ କାର୍ଯ୍ୟ। ମାତ୍ର ୪ ମିନିଟ ଚାଲିବା ପରେ ଅପରାହ୍ଣ ୪ଟା ଯାଏ ଗୃହ ମୁଲତବୀ ଘୋଷଣା କଲେ ବାଚସ୍ପତି ସୁରମା ପାଢ଼ୀ। ପ୍ରଥମରୁ ଗୃହରେ ବିଜେଡି ସଦସ୍ୟମାନେ ସାର ପ୍ରସଙ୍ଗରେ ପ୍ଲାଗ କାର୍ଡ ଦେଖାଇ ନାରାବାଜି ସହ ହଟ୍ଟଗୋଳ କରିଥିଲେ।
ତେବେ ସୂଚନା ମୁତାବକ, ୧୭ତମ ରାଜ୍ୟ ବିଧାନସଭାର ଚତୁର୍ଥ ଅଧିବେଶନର ଦ୍ୱିତୀୟ ଦିନରେ ଶୁକ୍ରବାର ସର୍ବନିମ୍ନ କାର୍ଯ୍ୟଧାରା ଦେଖାଯାଇଥିଲା, ଯାହା କେବଳ ମାତ୍ର ଚାରି ମିନିଟ୍ ଚାଲିବା ପୂର୍ବରୁ ଦିନ ୪ଟା ଯାଏଁ ମୁଲତବୀ ରଖାଯାଇଥିଲା। ତେବେ ବିରୋଧୀ ଦଳର ସଦସ୍ୟମାନେ ଚାଷୀ ସମସ୍ୟା ଏବଂ ସାର ଯୋଗାଣ ସମ୍ପର୍କିତ ପ୍ରସଙ୍ଗ ଉଠାଇ ପୋଡିୟମ ନିକଟରେ ହଙ୍ଗାମା କରିଥିଲେ ।
ଗୃହ ଆରମ୍ଭରୁ ବିଦ୍ୟାଳୟ ଏବଂ ଗଣଶିକ୍ଷା ବିଭାଗ ପ୍ରଶ୍ନୋତ୍ତର ସମୟରେ ବିଜେଡି ସାର ପ୍ରସଙ୍ଗ ଉଠାଇ ନାରାବାଜି କରିଥିଲା । ପୋଡିୟମ ତଳକୁ ଆସି ହୋହାଲ୍ଲା କରିଥିଲେ ବିଜେଡି ବିଧାୟକ । ଯାହାକୁ ନେଇ ବାଚସ୍ପତି ସୁରମା ପାଢ଼ୀ ହଟ୍ଟଗୋଳ ମଧ୍ୟରେ ମୁଲତବୀ ନିର୍ଦ୍ଦେଶ ଦେଇଥିଲେ, ଯାହା ଚଳିତ ଅଧିବେଶନର ସବୁଠାରୁ କ୍ଷୁଦ୍ରତମ କାର୍ଯ୍ୟଦିବସ ମଧ୍ୟରୁ ଗୋଟିଏ।
