ନ୍ୟୁଜ ଡେକ୍ସ : ବିହାରରେ ନୂଆ ସରକାର ଗଠନ ପରେ, କଂଗ୍ରେସ ଦଳ ଭିତରେ ପୁଣିଥରେ ଆଭ୍ୟନ୍ତରୀଣ ଗୋଳମାଳ ସାମ୍ନାକୁ ଆସିଛି। ଏହି ପରିସ୍ଥିତି ମଧ୍ୟରେ, ବିହାର ମହିଳା କଂଗ୍ରେସ ସଭାପତି ସରୱତ ଜାହାନ ଫାତିମା ତାଙ୍କ ପଦରୁ ଇସ୍ତଫା ଦେଇଛନ୍ତି। ସେ ନିଜର ଇସ୍ତଫା ପତ୍ର ଏବଂ ଏକ୍ସ ଟୁଇଟ ମାଧ୍ୟମରେ ଦଳୀୟ ନେତୃତ୍ୱବିରୋଧରେ ଗୁରୁତର ଅଭିଯୋଗ ଆଣିଛନ୍ତି।
ଫାତିମା କହିଛନ୍ତି ଯେ, ବିଧାନସଭା ନିର୍ବାଚନ ଟିକେଟ ବଣ୍ଟନରେ ତାଙ୍କ ସହିତ ଜାଣିଶୁଣି ପକ୍ଷପାତିତା କରାଯାଇଥିଲା। ସେ ଦାବି କରିଛନ୍ତି ଯେ କଂଗ୍ରେସରେ ମହିଳାମାନଙ୍କ ଅଂଶଗ୍ରହଣକୁ ସଚେତନଭାବରେ ଅଣଦେଖା କରାଯାଉଛି। ସେ କହିଛନ୍ତି:“ମୋ ୨୫ ବର୍ଷର ରାଜନୈତିକ ଜୀବନରେ ମୁଁ ସର୍ବଦା ନୈତିକତା ଓ ନିର୍ଭୀକତାକୁ ମୋର ମୂଲ୍ୟବୋଧ ଭାବରେ ଧାରଣ କରିଆସିଛି। କିନ୍ତୁ ଗତ ବିଧାନସଭା ନିର୍ବାଚନରେ କଂଗ୍ରେସରେ ମହିଳାଙ୍କ ପ୍ରତିନିଧିତ୍ୱ କେବଳ ୮% କୁ ସୀମିତ ହୋଇଗଲା। ଫଳସ୍ୱରୂପ ଉଭୟ ସଦନରେ ଦଳର ମହିଳା ନେତୃତ୍ୱ ଶୂନ୍ୟରେ ଖସିଲା।” ସେ ଏହି ପରିସ୍ଥିତିକୁ ଦଳର ମହିଳା ସଶକ୍ତିକରଣ ପ୍ରତି ଅସମ୍ମାନ ବୋଲି ବର୍ଣ୍ଣାନା କରିଛନ୍ତି। ତାଙ୍କ ମତାନୁସାରେ, ଏହା ଏକ ନୈତିକ ଅପମାନ ଏବଂ ସେଥିପାଇଁ ନିଜେ ଦାୟିତ୍ୱ ନେବାକୁ ସେ ବାଦ୍ୟ ହୋଇଛନ୍ତି।
ଇସ୍ତଫା ପତ୍ରରେ ସେ ଲେଖିଛନ୍ତି:“ବ୍ୟକ୍ତିଗତ ଓ ରାଜନୈତିକ ଜୀବନରେ, ସମ୍ମାନନୀୟ ସୋନିଆ ଗାନ୍ଧୀ ମୋର ଆଦର୍ଶ। ତାଙ୍କର ନୈତିକ ଦୃଢ଼ତା, ପଦ ଓ କ୍ଷମତା ପ୍ରତି ଅଟଳ ପ୍ରତିବଦ୍ଧତା ସର୍ବଦା ମତେ ପ୍ରେରଣା ଦିଆଇଛି।”ଫାତିମାଙ୍କ ଇସ୍ତଫା ଦେବା ପରେ ବିହାର କଂଗ୍ରେସରେ ଅସନ୍ତୋଷର ଆହୁରି ନୂତନ ତରଙ୍ଗ ଦେଖାଦେଇଛି। ଦଳ ଏପର୍ଯ୍ୟନ୍ତ ତାଙ୍କ ଅଭିଯୋଗ ବିଷୟରେ କୌଣସି ଆଧିକାରିକ ପ୍ରତିକ୍ରିୟା ଦେଇନାହଁ।ବର୍ତ୍ତମାନ ଦିଳୀୟ ଦ୍ୱନ୍ଦ୍ୱ ପୁଣିଥରେ ମୁଣ୍ଡ ଚାଲିବାରୁ ବିହାର କଂଗ୍ରେସର ଭିତରୀଣ ଏକତା ପୁଣି ପ୍ରଶ୍ନଚିହ୍ନ ତଳେ ପଡ଼ିଛି।
