ନ୍ୟୁଜ ଡେକ୍ସ : ବଲିଉଡ୍ ଅଭିନେତ୍ରୀ ମହିମା ଚୌଧୁରୀ ତାଙ୍କ ଅଭିନୟ ସହିତ ସହ ବ୍ୟକ୍ତିଗତ ଜୀବନକୁ ନେଇ ସବୁବେଳେ ଚର୍ଚ୍ଚାରେ ରହିଆସୁଛନ୍ତି। ୨୦୦୬ ମସିହାରେ ସେ ବବି ମୁଖାର୍ଜୀଙ୍କ ସହ ବିବାହ କରିଥିଲେ। ପରବର୍ଷ ୨୦୦୭ରେ ଦୁହେଁ ଏକ କନ୍ୟା ସନ୍ତାନର ଅଭିଭାବକ ହୋଇଥିଲେ ଏବଂ ଝିଅର ନାମ ଆର୍ଯ୍ୟାନ ମୁଖାର୍ଜୀ ରଖିଥିଲେ। ତେବେ ବିଭିନ୍ନ କାରଣରୁ ଏହି ବିବାହ ବେଶୀ ଦିନ ଚାଲିପାରିନଥିଲା ଏବଂ ୨୦୧୩ ମସିହାରେ ଦୁହେଁ ଆଇନଗତ ଭାବେ ଛାଡପତ୍ର ନେଇ ଅଲଗା ହୋଇଯାଇଥିଲେ।ଏବେ ମହିମା ତାଙ୍କ ଦ୍ୱିତୀୟ ବିବାହ ସମ୍ଭାବନାକୁ ନେଇ ଖୋଲାମନରେ ପ୍ରତିକ୍ରିୟା ରଖିଛନ୍ତି।
ଏକ ସାକ୍ଷାତକାରରେ ସେ କହିଛନ୍ତି ଯେ, ତାଙ୍କ ଛାଡପତ୍ର ମାମଲା ଏପର୍ଯ୍ୟନ୍ତ ବିଚାରାଧୀନ ରହିଛି, କିନ୍ତୁ ତାହା ସତ୍ତ୍ୱେ ସେ ପୁନଃବିବାହ ବିଷୟରେ ଗମ୍ଭୀର ଭାବେ ଚିନ୍ତା କରୁଛନ୍ତି।ମହିମା କହିଛନ୍ତି, “ମୁଁ ବିବାହରେ ବିଶ୍ୱାସ କରେ। ମୁଁ ମନେ କରେ ଯେ ଦୁଇଜଣ ଲୋକ ଏକାଠି ରହିଲେ ଜୀବନକୁ ଆହୁରି ସୁଖମୟ କରିପାରିବେ।” ତାଙ୍କ ନୂଆ ଫିଲ୍ମ ‘ଦୂସରୀ ଶାଦୀ’ରେ ତାଙ୍କ ଲୁକ୍ ଭାଇରାଲ ହେବା ପରେ ପୁଣିଥରେ ବିବାହ କରିବେ କି ନାହିଁ ବୋଲି ଲୋକମାନଙ୍କ ଆଗ୍ରହ ବଢ଼ିଛି ବୋଲି ସେ କହିଛନ୍ତି। ସେ ଆହୁରି କହିଛନ୍ତି ଯେ ବିବାହ ଜୀବନରେ ବୁଝାମଣା ଅତ୍ୟନ୍ତ ଆବଶ୍ୟକ।
“ଏକା ପିଲାମାନଙ୍କୁ ପାଳନ କରିବା ସହଜ ନୁହେଁ। ଆଜିର ସମୟରେ ବଡ ପରିବାରର ସମର୍ଥନ ସବୁବେଳେ ମିଳେ ନାହିଁ। ଯେତେବେଳେ ଜଣେ ବ୍ୟକ୍ତି ଆଧୁନିକ ଓ ଅନ୍ୟଜଣେ ରକ୍ଷଣଶୀଳ ହୁଅନ୍ତି, ସେତେବେଳେ ସମସ୍ୟା ଉପୁଜିପାରେ। ସେଥିପାଇଁ ବିବାହରେ ବୁଝାମଣା ଓ ସମର୍ପଣ ଅତ୍ୟାବଶ୍ୟକ,” ବୋଲି ମହିମା କହିଛନ୍ତି।ମହିମାଙ୍କ ଏହି ସ୍ପଷ୍ଟ ମତାମତ ପରେ ତାଙ୍କ ପୁନଃବିବାହକୁ ନେଇ ଚର୍ଚ୍ଚା ଆହୁରି ବଢ଼ିଛି।
