ନ୍ୟୁଜ ଡେସ୍କ: ପୁଣି ଟ୍ରେନ୍ ଦୁର୍ଘଟଣା ଘଟାଇବାକୁ ଷଡ଼ଯନ୍ତ୍ର। ଟ୍ରେନ୍ ଲାଇନ୍ରୁ ମିଳିଲା ଗ୍ୟାସ୍ ସିଲିଣ୍ଡର। ଉତ୍ତରାଖଣ୍ଡର ରୁରକିରେ ଦେଖିବାକୁ ମିଳିଛି ଏଭଳି କିଛି ଦୃଶ୍ୟ। ତେବେ ସୂଚନା ମୁତାବକ, ଉତ୍ତରାଖଣ୍ଡ ରୁରକୀ ଧନନ୍ଧେରା ଟ୍ରେନ୍ ଲାଇନ୍ରୁ ଗ୍ୟାସ୍ ସିଲିଣ୍ଡର ଠାବ ହୋଇଛି। ଏକ ମାଲବାହୀ ଟ୍ରେନ୍ ସେହି ଟ୍ରାକ ଦେଇ ଯାଉଥିବା ବେଳେ ଲୋକୋ ପାଇଲଟଙ୍କ ଦୃଷ୍ଟିକୁ ସିଲିଣ୍ଡରଟି ଆସିଥିଲା। ଲଣ୍ଡଉରା ଓ ଧନନ୍ଧେରା ମଝିରେ ଠାବ ହେଲା ଗ୍ୟାସ୍ ସିଲିଣ୍ଡର। ଲୋକୋ ପାଇଲଟଙ୍କ ସୂଚନା ଆଧାରରେ ପଏଣ୍ଟସମ୍ୟାନ୍ ପହଞ୍ଚି ସିଲିଣ୍ଡର୍ ଟିକୁ ଯାଞ୍ଚ ପରେ ସିଲିଣ୍ଡରଟିରେ ଗ୍ୟାସ୍ ନଥିବା ଜଣାପଡ଼ିଲା। ତେବେ ପୂର୍ବରୁ ମଧ୍ୟ ବହୁବାର ରେଳ ଲାଇନରେ ଏଭାମି ଅନିୟମିତତା ଦେଖିବାକୁ ମିଳିଲାନି। ହେଲେ କିଏ କାହିଁକି ଏଭଳି କାଣ୍ଡ ଭିଆଉଛି ତାହାର କୌଣସି ପତ୍ତା ମିଳିନାହିଁ ।
