ନ୍ୟୁଜ ଡେକ୍ସ: ସ୍କୁଲ ଗଲା ବିମାନ ଗଲା ଏବେ ଟାର୍ଗେଟରେ ହୋଟେଲ। ଏକା ସାଥିରେ 10 ହୋଟେଲକୁ ମିଳିଲା ବୋମା ଧମକ ।କିଏ ଆଉ କାହିଁକି ଦେଉଛି ଏପରି ଧମକ। ଚିନ୍ତାରେ ପଡ଼ିଲାଣି ପୋଲିସଠୁଁ ନେଇ ସାଧାରଣ ଲୋକ। ହଁ ଆଜ୍ଞା କିଛି ଦିନ ହେବ ଅନେକ ଭାରତୀୟ ବିମାନକୁ ବୋମା ଧମକ ମିଳି ଚାଲିଛି। ଧମକ ପରେ ଧମକ ଆସିଚଳିଛି। ଧମକ ପାଇ ବିମାନର ଜରୁରୀ ଅବତରଣ କରାଯାଇ ଯାଞ୍ଚ କରିବା ପରେ ସେପରି କୌଣସି ସାମଗ୍ରୀ ମିଳୁନାହିଁ।
ଏହାକୁ ନେଇ ବିମାନ କମ୍ପାନୀ, ସମ୍ପୃକ୍ତ ବିଭାଗ ଏବଂ ଯାତ୍ରୀ ଚିନ୍ତାରେ ପଡ଼ି ଥିବାବେଳେ ଏବେ ୧୦ଟି ହୋଟେଲକୁ ଏକା ସାଥିରେ ମିଳିଛି ବୋମା ଧମକ । ବିମାନରେ ଯାତ୍ରୀ ଏପରି ବାରମ୍ବାର ଧମକ ଶୁଣି ବିମାନ ଯାତ୍ରା କରିବାକୁ ଭୟଭୀତ ହେବା ବେଳେ ଏବେ ଗ୍ରାହକବି ହୋଟେଲରେ ଭୟଭିତ ହେଲେଣି। ତେବେ ଗୁଜରାଟର ରାଜକୋଟରେ ୫ ଷ୍ଟାର ହୋଟେଲ ସମେତ ୧୦ ହୋଟେଲକୁ ବୋମାରେ ଉଡ଼ାଇ ଦେବାକୁ ମିଳିଛି ଧମକ । ଏ ନେଇ ଧମକପୂର୍ଣ୍ଣ ମେଲ୍ ଆସିଛି । ଉତ୍ସବ ବେଳେ ଏଭଳି ବୋମା ଧମକ ମିଳିବାରୁ ହୋଟେଲ ମାନଙ୍କରେ ଆତଙ୍କର ବାତାବରଣ ଖେଳିଯାଇଛି । ଯାହାକି ହୋଟେଲ୍ ମାଲିକଙ୍କ ସମେତ ପରିଦର୍ଶକଙ୍କୁ ମଧ୍ୟରେ ଚିନ୍ତା ଦେଖିବାକୁ ମିଳିଛି। ତେବେ ଅଭିଯୋଗ ପାଇବା ପରେ ପୁଲିସ ଇମେଲ ଆଧାରରେ ପୁଙ୍ଖାନୁପୁଙ୍ଖ ତଦନ୍ତ ଆରମ୍ଭ କରିଛି। ଅତିଥି ଏବଂ କର୍ମଚାରୀଙ୍କ ସୁରକ୍ଷା ନିଶ୍ଚିତ କରିବାକୁ ଅଧିକାରୀମାନେ ହୋଟେଲଗୁଡିକରେ କଡ଼ା ଯାଞ୍ଚ କରିଛନ୍ତି।
କ୍ରାଇମ ବ୍ରାଞ୍ଚ ବ୍ୟତୀତ ଏସଓଜି, ଏଲସିବି ଟିମ୍ ମଧ୍ୟ ଏହି ମାମଲାର ତଦନ୍ତ କରୁଛନ୍ତି। ତେବେ ହୋଟେଲରେ ସର୍ଚ୍ଚ ଅପରେସନ୍ ଶେଷ ହୋଇଥିବାବେଳେ ସେପରି କିଛି ସନ୍ଦେହଜନକ ତଥ୍ଯ ମିଳିନାହିଁ। ଭୟର ବାତାବରଣ ସୃଷ୍ଟି କରିବାକୁ କେହି ହୁଏତ ଜାଣିଶୁଣି ଅପପ୍ରଚାର କରିଥିବା ପୋଲିସ ସନ୍ଦେହ କରୁଛି । ତେବେ ଏପରି ଆତଙ୍କ ସୃଷ୍ଟି କରୁଥିବା ଘଟଣା ପଛରେ କାହାର ହାତ ରହିଛି। କେଉଁ ଉଦ୍ଦେଶ୍ୟରେ ଏପରି କରାଯାଉଛି, ତା’ର କାରଣ ପୋଲିସ ଖୋଜୁଥିବା ବେଳେ ଏଭଳି ଚାରିଆଡ଼େ ବୋମାର ଧମକ ଆସୁଥିବା ସମସ୍ତଂକ ମନରେ ଆତଙ୍କ ସୃଷ୍ଠି କରୁଛି।
