ନ୍ୟୁଜ ଡେକ୍ସ : କର୍ଣ୍ଣାଟକ ମୁଖ୍ୟମନ୍ତ୍ରୀ ସିଦ୍ଧରମୈୟା ରାଜ୍ୟର ସମସ୍ତ ସରକାରୀ କାର୍ଯ୍ୟାଳୟ, ବୈଠକ ଓ କାର୍ଯ୍ୟକ୍ରମରେ ପ୍ଲାଷ୍ଟିକ୍ ପାଣି ବୋତଲ ବ୍ୟବହାର ଉପରେ କଡ଼ା ନିଷେଧ ଜାରି କରିଛନ୍ତି। ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ ଅନୁଯାୟୀ, ସମସ୍ତ ସରକାରୀ କାର୍ଯ୍ୟକ୍ରମରେ ପରିବେଶ ଅନୁକୂଳ ବିକଳ୍ପ ପାନୀୟ ଜଳ ବ୍ୟବହାର କରାଯିବ।
ଏହି ପଦକ୍ଷେପ ପରିବେଶ ସୁରକ୍ଷାକୁ ଉତ୍ସାହିତ କରିବ ଏବଂ ପ୍ଲାଷ୍ଟିକ୍ ଅପଚୟ ସମସ୍ୟାକୁ ନିୟନ୍ତ୍ରଣ କରିବାରେ ସହାୟକ ହେବ।ମୁଖ୍ୟମନ୍ତ୍ରୀ କହିଛନ୍ତି ଯେ ପୂର୍ବରୁ ଏହି ପ୍ରକାର ନିର୍ଦ୍ଦେଶ ଜାରି ହୋଇଥିଲେ ମଧ୍ୟ ଏବେ ଏହାକୁ ଅଧିକ କଡ଼ାଭାବରେ ପାଳନ କରାଯିବ। ସମସ୍ତ ବିଭାଗ ମୁଖ୍ୟମାନଙ୍କୁ ନିଜ ବିଭାଗରେ ଏହି ନିୟମ ପାଳନ ନିଶ୍ଚିତ କରିବାକୁ ଓ ତୁରନ୍ତ ପ୍ରୟୋଜନୀୟ ନିର୍ଦ୍ଦେଶ ଜାରି କରିବାକୁ କୁହାଯାଇଛି।ଏହା ସହିତ, ସିଦ୍ଧରମୈୟା ଆଉ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛନ୍ତି — ସମସ୍ତ ସରକାରୀ ବୈଠକ ଓ କାର୍ଯ୍ୟକ୍ରମରେ କେବଳ କର୍ଣ୍ଣାଟକ ମିଲ୍କ ଫେଡେରେସନ (KMF) ର ‘ନନ୍ଦିନୀ’ ବ୍ରାଣ୍ଡର ଚା, କଫି, କ୍ଷୀର ଓ ଅନ୍ୟାନ୍ୟ ଦୁଗ୍ଧ ଉତ୍ପାଦ ବ୍ୟବହାର କରିବା ବାଧ୍ୟତାମୂଳକ କରାଯାଇଛି।
ସରକାର ପକ୍ଷରୁ ଜଣାଯାଇଛି ଯେ ଏହି ଦୁଇଟି ପଦକ୍ଷେପ ରାଜ୍ୟର ପରିବେଶ ସୁରକ୍ଷା ସହ ସହିତ ସ୍ଥାନୀୟ କ୍ଷୀର ଶିଳ୍ପକୁ ମଧ୍ୟ ସୁଦୃଢ଼ କରିବ। ସମସ୍ତ ବିଭାଗକୁ ନିର୍ଦ୍ଦେଶ ଦିଆଯାଇଛି ଯେ ସେମାନେ ଏହି ନିୟମଗୁଡ଼ିକୁ କଡ଼ାକଡ଼ିରେ ପାଳନ କରନ୍ତୁ ଏବଂ ପ୍ରତ୍ୟେକ ବୈଠକ ଓ କାର୍ଯ୍ୟକ୍ରମରେ ଏହାର ପ୍ରାଭାବୀ କାର୍ଯ୍ୟାନୁଷ୍ଠାନ ନିଶ୍ଚିତ କରନ୍ତୁ।
