ନ୍ୟୁଜ ଡେକ୍ସ : ଦେଢ଼ ମାସ ପୂର୍ବରୁ ସବ୍–ଇନ୍ସପେକ୍ଟରରୁ ଇନ୍ସପେକ୍ଟର ପଦୋନ୍ନତି ପାଇଥିବା ୪୨୬ ଅଧିକାରୀଙ୍କ ମଧ୍ୟରୁ ବହୁତେ ଜଣେ ଥାନା ଏବଂ ଫାଣ୍ଡିରେ ପୁରୁଣା ପଦବୀରେ କାମ କରି ଆସୁଥିଲେ। ଏବେ ପୋଲିସ ମୁଖ୍ୟାଳୟ ପକ୍ଷରୁ ପ୍ରକାଶ ହୋଇଥିବା ନୂତନ ବଦଳି ଆଦେଶରେ ସେମାନେ ଆଶ୍ୱସ୍ତ ହୋଇଛନ୍ତି। ନୂତନ ପଦୋନ୍ନତି ପାଇଥିବା ଅଧିକାରୀମାନଙ୍କ ସହ ୪୯ ଜଣଙ୍କୁ ମିଳାଇ ମୋଟ ୪୭୫ ଜଣ ଇନ୍ସପେକ୍ଟରଙ୍କୁ ବିଭିନ୍ନ ଜିଲ୍ଲା ଏବଂ ବିଭାଗକୁ ବଦଳି କରାଯାଇଛି।
ନୂଆ ବଦଳି ତାଲିକାରେ କମିସନରେଟ୍ ପୋଲିସ, କ୍ରାଇମବ୍ରାଞ୍ଚ, ସ୍ପେସାଲ୍ ବ୍ରାଞ୍ଚ, ଜିଆରପି ସହ ବିଭିନ୍ନ ପୋଲିସ ଜିଲ୍ଲାକୁ ଅନେକ ଅଧିକାରୀଙ୍କୁ ପଠାଯାଇଛି। କେତେକ ଅଫିସର୍ ପୂର୍ବସ୍ଥାନରେ ମଧ୍ୟ ବଜାୟ ରଖାଯାଇଛନ୍ତି।ତେବେ, ଏହି ବଦଳି ଆଦେଶରେ ଭିଜିଲାନ୍ସ ସଂସ୍ଥା ନିରାଶା ବ୍ୟକ୍ତ କରିଛି। ସୂତ୍ରମାନଙ୍କ କହିବା ଅନୁସାରେ, ପଦୋନ୍ନତି ପାଇଥିବା ଇନ୍ସପେକ୍ଟରଙ୍କ ମଧ୍ୟରୁ କେବଳ ୫ ଜଣ ଯେଉଁମାନେ ପ୍ରାରମ୍ଭରୁ ଭିଜିଲାନ୍ସରେ କାମ କରିବାକୁ ଆବେଦନ କରିଥିଲେ ସେମାନଙ୍କୁ ଛାଡ଼ି ଅନ୍ୟ କାହାକୁ ମଧ୍ୟ ଏହି ସଂସ୍ଥାକୁ ବଦଳି କରାଯାଇ ନାହିଁ। ଏହିଥର ପ୍ରଶ୍ନ ଉଠିଛି ସ୍ପେସାଲ୍ ବ୍ରାଞ୍ଚରେ ବଦଳି କରାଯାଇଥିବା ବେଳେ ଭିଜିଲାନ୍ସର ଘୋର ମାନବ ସମ୍ବଳ ସଂକଟ ସତ୍ତ୍ୱେ କାହିଁକି ସେଠାକୁ ନୂତନ ଇନ୍ସପେକ୍ଟର ପଠାଯାଇ ନାହିଁ?ଭିଜିଲାନ୍ସ ବିଭାଗର କାମ ପୂର୍ବରୁ ଅଧିକ ବଢ଼ୁଥିବା ସତ୍ତେୁ, ଇନ୍ସପେକ୍ଟର ସଂଖ୍ୟା ବୃଦ୍ଧି ପାଇନାହାନ୍ତି।
ମାମଲା ସଂଖ୍ୟା ମଧ୍ୟ ବଢ଼ିବା ସତ୍ତେେ, ଏହି ବିଭାଗରେ ୮୦ରୁ ଅଧିକ ଇନ୍ସପେକ୍ଟର ପଦ ଖାଲି ରହିଛି। ଫଳରେ, ଉକ୍ତ ବିଭାଗର ଯାଜ୍ଞୀୟ ଅଫିସରମାନେ ଭାରାକ୍ରାନ୍ତ ହୋଇ କାମ କରିବାକୁ ବାଧ୍ୟ ହେଉଛନ୍ତି।ପୋଲିସ ମୁଖ୍ୟାଳୟ ପକ୍ଷରୁ ଜଣାପଡ଼ିଛି ଯେ ଆଗାମୀ ଦିନରେ ଆଉ କିଛି ବଦଳି ଆସିପାରେ। ତେବେ ଭିଜିଲାନ୍ସର ମାନବ ସମ୍ବଳ ଅଭାବ ପୂରଣ ହେବ କି ନାହିଁ, ଏବେ ତାହା ନଜରକୁ ପଡ଼ିବ।
