ନ୍ୟୁଜ ଡେକ୍ସ : ଆମେରିକାର ରାଷ୍ଟ୍ରପତି ଡୋନାଲ ଟ୍ରମ୍ପ ପୁଣିଥରେ ଇରାନର ପରମାଣୁ କାର୍ଯ୍ୟକଳାପ ନେଇ କଠୋର ମତ ପ୍ରକାଶ କରିଛନ୍ତି। ନାଟୋ ଦେଶଗୁଡ଼ିକୁ ସମ୍ବୋଧନ କରି ସେ କହିଛନ୍ତି ଯେ, ଇରାନ କେବେ ମଧ୍ୟ ପରମାଣୁ ଅସ୍ତ୍ର ପାଇବାକୁ ଦିଆଯିବ ନାହିଁ, କାରଣ ସେମାନେ ଏହାକୁ ଇସ୍ରାଏଲ, ମଧ୍ୟପ୍ରାଚ୍ୟ ଓ ୟୁରୋପରେ ଶୀଘ୍ର ବ୍ୟବହାର କରିପାରନ୍ତି।ଟ୍ରମ୍ପ ଏହା ମଧ୍ୟ ଦାବି କରିଛନ୍ତି ଯେ, ଇରାନର ସାମରିକ କ୍ଷମତାକୁ ନଜରରେ ରଖି ବିଶ୍ୱ ସୁରକ୍ଷା ଗୁରୁତର ଚ୍ୟାଲେଞ୍ଜ ସମ୍ମୁଖୀନ।
ସେ କହିଛନ୍ତି, ଯଦି ଇରାନ ପରମାଣୁ ଅସ୍ତ୍ର ଅଧିଗ୍ରହଣ କରେ, ତେବେ ବିଶ୍ୱ ଗୁରୁତର ବିପଦରେ ପଡ଼ିବ।ଏହା ସହିତ ଟ୍ରମ୍ପ ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରନ ଙ୍କୁ ପରିହାସ କରି କହିଛନ୍ତି ଯେ, ସେ ୨୫୦% ଶୁଳ୍କ ଲାଗୁ କରିବାର ଧମକ ଦେଇ ଅନ୍ୟ ଦେଶମାନଙ୍କୁ ଔଷଧ ମୂଲ୍ୟ ବୃଦ୍ଧି ମାନିବାକୁ ବାଧ୍ୟ କରିଥିଲେ।ଇରାନ ସହିତ ଚୁକ୍ତି ନେଇ ଟ୍ରମ୍ପ ଅସନ୍ତୋଷ ପ୍ରକାଶ କରି କହିଛନ୍ତି ଯେ, ତେହେରାନ ପକ୍ଷରୁ ଆସିଥିବା ପ୍ରସ୍ତାବ ତାଙ୍କୁ ସନ୍ତୁଷ୍ଟ କରିପାରିନାହିଁ। ସେ କହିଛନ୍ତି ଯେ, ଆମେରିକା ଏକ ଏମିତି ଚୁକ୍ତି ଚାହୁଁଛି ଯାହା ଦୀର୍ଘକାଳୀନ ଭାବରେ ସମସ୍ୟାର ସମାଧାନ କରିପାରିବ।ଏପରି ସମୟରେ ହ୍ୱାଇଟ ହାଉସ୍ କଂଗ୍ରେସକୁ ଜଣାଇଛି ଯେ, ଅଞ୍ଚଳରେ ଆମେରିକୀୟ ସେନା ଉପସ୍ଥିତ ଥିଲେ ମଧ୍ୟ ଏହି ସଂଘର୍ଷକୁ “ଶେଷ” ଭାବେ ଦେଖାଯାଉଛି।
ତୈଳ ମୂଲ୍ୟ ବୃଦ୍ଧି ନେଇ ମଧ୍ୟ ଟ୍ରମ୍ପ ଚିନ୍ତା ପ୍ରକାଶ କରି କହିଛନ୍ତି ଯେ, ଅନ୍ୟ ମୂଲ୍ୟ କମିଥିଲେ ମଧ୍ୟ ପେଟ୍ରୋଲ ଦର ଉଚ୍ଚ ରହିଛି। ତଥାପି ସେ ଦାବି କରିଛନ୍ତି ଯେ, ସମସ୍ତ ପ୍ରୟାସର ଶେଷରେ ଏକ ଏମିତି ବିଶ୍ୱ ଗଠିତ ହେବ ଯେଉଁଠାରେ ଇରାନ ପରମାଣୁ ଅସ୍ତ୍ରମୁକ୍ତ ରହିବ।ସେ ଶେଷରେ କହିଛନ୍ତି ଯେ, ଆମେରିକା ଇରାନ ସହିତ ଚୁକ୍ତି କରିପାରିବ କି ନାହିଁ, ସେନେଇ ସେ ଏପର୍ଯ୍ୟନ୍ତ ନିଶ୍ଚିତ ନୁହଁନ୍ତି।
