ନ୍ୟୁଜ ଡେକ୍ସ : ଦୀର୍ଘ ବ୍ୟବଧାନ ପରେ କଟକର ବାରବାଟୀ ଷ୍ଟାଡିୟମରେ ପୁଣିଥରେ ଆନ୍ତର୍ଜାତୀୟ କ୍ରିକେଟ୍ ଉତ୍ସାହ ଦେଖିବାକୁ ମିଳିବ। ଆସନ୍ତା ଡିସେମ୍ବର ୨୪ ତାରିଖରେ ଏଠାରେ ଭାରତ ଓ ଶ୍ରୀଲଙ୍କା ମଧ୍ୟରେ ଏକ ରୋମାଞ୍ଚକ ଟି-୨୦ ମ୍ୟାଚ୍ ଖେଳାଯିବ।
୨୦୨୬-୨୭ ମସିହା ପାଇଁ ବିସିସିଆଇ ପ୍ରକାଶ କରିଥିବା ଖେଳସୂଚୀରୁ ଏହା ସ୍ପଷ୍ଟ ହୋଇଛି ଯେ ଶ୍ରୀଲଙ୍କା ଭାରତ ଗସ୍ତରେ ଆସି ୩ଟି ଓଡିଆଇ ଓ ୩ଟି ଟି-୨୦ ମ୍ୟାଚ୍ ଖେଳିବ। ଏହି ତିନି ମ୍ୟାଚ୍ର ଟି-୨୦ ସିରିଜ୍ର ଦ୍ବିତୀୟ ମ୍ୟାଚ୍ ବାରବାଟୀରେ ଆୟୋଜିତ ହେବ।ସିରିଜ୍ର ପ୍ରଥମ ଟି-୨୦ ମ୍ୟାଚ୍ ରାଜକୋଟରେ ଓ ତୃତୀୟ ମ୍ୟାଚ୍ ପୁଣେରେ ଖେଳାଯିବ।
ବାରବାଟୀରେ ଭାରତ ଓ ଶ୍ରୀଲଙ୍କା ମଧ୍ୟରେ ଶେଷଥର ୨୦୧୭ ମସିହାରେ ମ୍ୟାଚ୍ ଖେଳାଯାଇଥିଲା।ସେହି ମ୍ୟାଚ୍ରେ ଭାରତୀୟ ଦଳ ଶ୍ରେଷ୍ଠ ପ୍ରଦର୍ଶନ କରି ଶ୍ରୀଲଙ୍କାକୁ ୯୩ ରନ୍ରେ ପରାସ୍ତ କରିଥିଲା। ଏବେ ପୁଣିଥରେ ଏହି ଦୁଇ ଦଳର ମୁକାବିଲା ନେଇ କ୍ରିକେଟ୍ ପ୍ରେମୀମାନଙ୍କ ମଧ୍ୟରେ ଉତ୍ସାହ ବଢ଼ିଛି।
