ନ୍ୟୁଜ ଡେକ୍ସ : ବଲିଉଡର ଲୋକପ୍ରିୟ ପ୍ଲେବ୍ୟାକ୍ ଗାୟକ ଅରିଜିତ ସିଂହଙ୍କ ଅବସର ନେବା ଘୋଷଣାକୁ ନେଇ ସୋସିଆଲ ମିଡିଆରେ ଜୋରଦାର ଚର୍ଚ୍ଚା ଚାଲିଛି। ତାଙ୍କ ଇନଷ୍ଟାଗ୍ରାମ ପୋଷ୍ଟରେ ସେ ନୂତନ ବର୍ଷର ଶୁଭେଚ୍ଛା ଜଣାଇ ଦୀର୍ଘବର୍ଷ ଧରି ପ୍ରଶଂସକମାନଙ୍କ ଅଟୁଟ ପ୍ରେମ ପାଇଁ ଧନ୍ୟବାଦ ଜଣାଇଥିବା ସହ ପ୍ଲେବ୍ୟାକ୍ ଗାୟନକୁ ବିଦାୟ ଦେଉଥିବା କଥା ଲେଖିଛନ୍ତି।
ଏହା ପରେ ତାଙ୍କ ଅନୁଗାମୀମାନେ ଭାବୁକ ହୋଇ ପ୍ରତିକ୍ରିୟା ଦେଉଛନ୍ତି।ଏହି ଆଲୋଚନାର ମଧ୍ୟରେ ଗାୟକ ତଥା ସଂଗୀତଜ୍ଞ ବିଶାଲ ଦଦଲାନି ଇନଷ୍ଟାଗ୍ରାମରେ ଜୀବନ ସମ୍ପର୍କୀୟ ଏକ ଭାବନାପ୍ରବଣ ପୋଷ୍ଟ ସେୟାର କରିଛନ୍ତି। ସେ ଲେଖିଛନ୍ତି “ସଫଳତା ଶାନ୍ତି କିମ୍ବା ଖୁସିର ଗ୍ୟାରେଣ୍ଟି ନୁହେଁ। ଟଙ୍କା ଓ ଶକ୍ତି ମଧ୍ୟ ସୁରକ୍ଷାର ନିଶ୍ଚୟତା ଦିଏ ନାହିଁ। ଜୀବନ ଅଜବ ଏବଂ ଛୋଟ। ନିଜକୁ ମିଛ କହି କୌଣସି ମୁହୂର୍ତ୍ତ ନଷ୍ଟ କରନି, ଅନ୍ୟ କାହା ପରି ନୁହେଁ ନିଜ ଜୀବନକୁ ସମ୍ପୂର୍ଣ୍ଣ ଭାବରେ ବଞ୍ଚ।”ଅରିଜିତ ସିଂହ ତାଙ୍କ କ୍ୟାରିୟରରେ ‘ତୁମ୍ ହି ହୋ’, ‘ଚନ୍ନା ମେରେୟା’, ‘ଅଗର ତୁମ୍ ସାଥ ହୋ’, ‘ରାବତା’, ‘କେସରୀ’, ‘ଏ ଦିଲ୍ ହୈ ମୁଶ୍କିଲ୍’ ଏବଂ ‘ତେରା ଯାର୍ ହୁଁ ମେ’ ପରି ଅନେକ ସୁପରହିଟ୍ ଗୀତ ଗାଇ ଦର୍ଶକମାନଙ୍କ ମନ ଜିତିଛନ୍ତି।ଅନ୍ୟପଟେ, ବିଶାଲ ଦଦଲାନି ବଲିଉଡରେ ବିଶାଲ–ଶେଖର ଯୁଗଳ ଭାବେ ପରିଚିତ।
ସେ ‘ଓମ୍ ଶାନ୍ତି ଓମ୍’, ‘ଦୋସ୍ତାନା’, ‘ଆଇ ହେଟ୍ ଲଭ୍ ଷ୍ଟୋରୀଜ୍’, ‘ବାଙ୍ଗ୍ ବ୍ୟାଙ୍ଗ୍’, ‘ସୁଲତାନ୍’, ‘ଷ୍ଟୁଡେଣ୍ଟ ଅଫ୍ ଦି ଇୟର’, ‘ବେଫିକ୍ରେ’ ଏବଂ ‘ୱାର’ ପରି ଚଳଚ୍ଚିତ୍ର ପାଇଁ ସଂଗୀତ ରଚନା କରିଛନ୍ତି। ଏଥିସହ ‘କୁରବାନ୍ ହୁଆ’, ‘ଜୀ ଲେ ଜରା’, ‘ଜବ ମିଲା ତୁ’, ‘ତୁ ମେରୀ’, ‘ସ୍ୱାଗ୍ ସେ କରେଙ୍ଗେ ସବକା ସ୍ୱାଗତ’, ‘ବାଲା’ ଓ ‘ଖୁଦା ହାଫିଜ୍’ ପରି ଗୀତରେ ତାଙ୍କ ସ୍ୱର ମଧ୍ୟ ଲୋକପ୍ରିୟ।ଅରିଜିତଙ୍କ ଘୋଷଣା ଓ ବିଶାଲଙ୍କ ଦାର୍ଶନିକ ମନ୍ତବ୍ୟ ଦୁହେଁ ମିଶି ସଙ୍ଗୀତ ଜଗତରେ ଏକ ନୂତନ ଆଲୋଚନା ଓ ଭାବନାର ଲହରୀ ସୃଷ୍ଟି କରିଛି।
